ഓഹരി വിപണിയില്‍ വലിയ കയറ്റിറക്കങ്ങള്‍ ദൃശ്യമാകുന്ന ഇപ്പോഴത്തെ സാഹചര്യത്തില്‍ കൃത്യമായ നിക്ഷേപരീതികള്‍ പിന്തുടരേണ്ടത് അനിവാര്യമാണ്. നിക്ഷേപകരില്‍ ഓഹരി വിപണി നിക്ഷേപങ്ങളെക്കുറിച്ച് ബോധവല്‍ക്കരണം നല്‍കുക എന്ന ലക്ഷ്യം മുന്‍നിര്‍ത്തി ഓഹരി വിപണി നിയന്ത്രണ ഏജന്‍സിയായ സെക്യൂരിറ്റിസ് & എക്‌സ്‌ചേഞ്ച് ബോര്‍ഡ് ഓഫ് ഇന്ത്യയും (SEBI) നാഷണല്‍ സ്റ്റോക്ക് എക്‌സ്‌ചേഞ്ചും (NSE) സംയുക്തമായി 2025 ജൂണില്‍ മലയാളത്തില്‍ സൗജന്യ ഓണ്‍ലൈന്‍ ക്ലാസ്സ് നടത്തുന്നു.
ഓഹരി വിപണി നിക്ഷേപം എങ്ങനെ, വിവിധ നിക്ഷേപ തന്ത്രങ്ങള്‍ എന്തൊക്കെ, മികച്ച ഓഹരികളെ എങ്ങനെ കണ്ടെത്താം എന്നിങ്ങനെയുള്ള വിഷയങ്ങളാണ് ക്ലാസുകളില്‍ ഉള്‍പ്പെടുത്തിയിരിക്കുന്നത്.
സെബി സ്മാര്‍ട്‌സ് ട്രെയിനര്‍ ഡോ. സനേഷ് ചോലക്കാടാണ് ക്ലാസുകള്‍ നയിക്കുന്നത്. തിരഞ്ഞെടുത്ത ദിവസങ്ങളില്‍ രാത്രി എട്ട് മണി മുതലാണ് ക്ലാസുകള്‍.
ജൂണ്‍ ഒന്നിന് നടക്കുന്ന ആദ്യ ക്ലാസില്‍ ഓഹരി വിപണി നിക്ഷേപം എങ്ങനെ എന്ന വിഷയത്തെ അധികരിച്ചാണ് ക്ലാസ്. എട്ടിന് ഓഹരി വിപണിയിലെ വിവിധ നിക്ഷേപ തന്ത്രങ്ങള്‍ പങ്കുവയ്ക്കുന്നു. 15ന് മ്യൂച്ചല്‍ ഫണ്ട് നിക്ഷേപത്തിലെ വ്യത്യസ്ത നിക്ഷേപ രീതികള്‍ പരിചയപ്പെടുക്കും. ജൂണ്‍ 22 ന് മികച്ച ഓഹരികള്‍ എങ്ങനെ കണ്ടെത്താം എന്നതിലാണ് ക്ലാസ്. 29ന് ഫ്യൂച്ചേഴ്‌സ്& ഓപ്ഷന്‍സില്‍ ശ്രദ്ധിക്കേണ്ട കാര്യങ്ങള്‍ വിശദമാക്കും.
പങ്കെടുക്കാന്‍ താല്‍പ്പര്യം ഉള്ളവര്‍ 9847436385 എന്ന വാട്‌സ്ആപ് നമ്പറില്‍ സന്ദേശം അയക്കുക.
Read DhanamOnline in English
Subscribe to Dhanam Magazine
