നിഫ്റ്റി 53.60 പോയിൻ്റ് (0.21%) താഴ്ന്ന് 25,145.10 ലാണ് ക്ലോസ് ചെയ്തത്. സൂചിക 25,175 ന് താഴെ തുടർന്നാൽ താഴേയ്ക്കുള്ള പക്ഷപാതം തുടരും.
നിഫ്റ്റി ഉയർന്ന് 25,250.50ൽ വ്യാപാരം തുടങ്ങി. രാവിലെ 25,275.40 എന്ന ഉയരം പരീക്ഷിച്ചു. പിന്നീട് സൂചിക
25,145.10 ൽ ക്ലോസ് ചെയ്യുന്നതിനു മുമ്പ് 25,127.80 എന്ന താഴ്ന്ന നിലവാരത്തിലെത്തി.
മാധ്യമങ്ങൾ, ഐടി, പൊതുമേഖലാ ബാങ്കുകൾ, ലോഹം എന്നിവയാണ് ഏറ്റവും കൂടുതൽ നേട്ടമുണ്ടാക്കിയ മേഖലകൾ. റിയൽറ്റി, ഓട്ടോ, ഫാർമ, എഫ്എംസിജി എന്നിവയ്ക്കാണ് കൂടുതൽ നഷ്ടം. 1443 ഓഹരികൾ ഉയരുകയും 1122 ഓഹരികൾ ഇടിയുകയും 129 എണ്ണം മാറ്റമില്ലാതെ തുടരുകയും ചെയ്തു. വിശാലവിപണി പോസിറ്റീവ് ആയിരുന്നു.
നിഫ്റ്റി സൂചികയിലെ ഏറ്റവും ഉയർന്ന നേട്ടം ടൈറ്റൻ, എൽടി മെെൻഡ് ട്രീ, വിപ്രോ, ബിപിസിഎൽ എന്നിവയ്ക്കായിരുന്നു. കൂടുതൽ നഷ്ടം സിപ്ല, റിലയൻസ്, ഡോ. റെഡ്ഡീസ്, കോൾ ഇന്ത്യ എന്നിവയ്ക്കും.
മൊമെൻ്റം സൂചകങ്ങൾ ബുള്ളിഷ് പ്രവണത കാണിക്കുന്നു. നിഫ്റ്റി ഹ്രസ്വകാല, ദീർഘകാല മൂവിംഗ് ശരാശരികൾക്ക് മുകളിലാണ്. സൂചിക പ്രതിദിന ചാർട്ടിൽ ബ്ലായ്ക്ക് കാൻഡിൽസ്റ്റിക്ക് രൂപപ്പെടുത്തി കഴിഞ്ഞ ദിവസത്തെ ക്ലോസിംഗിനു താഴെ ക്ലോസ് ചെയ്തു. ഈ പാറ്റേൺ സൂചികയുടെ ചെറിയ നെഗറ്റീവ് ചായ്‌വ് സൂചിപ്പിക്കുന്നു.
സൂചികയ്ക്ക് 25,175 ലെവലിൽ ഇൻട്രാഡേ റെസിസ്റ്റൻസ് ഉണ്ട്, പിന്തുണ 25,100 ലാണ്. സൂചിക 25,175 ലെവലിന് താഴെ ട്രേഡ് നിലനിന്നാൽ താഴേക്കുള്ള പക്ഷപാതം തുടരും.
ഇൻട്രാഡേ ലെവലുകൾ:
പിന്തുണ 25,100 -25,025 -24,950
പ്രതിരോധം 25,175 -25,250 -25,350
(15-മിനിറ്റ് ചാർട്ടുകൾ).
പൊസിഷണൽ ട്രേഡിംഗ്:
പിന്തുണ 25,080 -24,475
പ്രതിരോധം 25,600 -26,150.
ബാങ്ക് നിഫ്റ്റി
ബാങ്ക് നിഫ്റ്റി 72.80 പോയിൻ്റ് നേട്ടത്തിൽ 51,473.05 ലാണ് ക്ലോസ് ചെയ്തത്. മൊമെൻ്റം സൂചകങ്ങൾ പോസിറ്റീവ് ട്രെൻഡ് കാണിക്കുന്നു, സൂചിക ഹ്രസ്വകാല, ദീർഘകാല മൂവിംഗ് ശരാശരികൾക്ക് മുകളിലാണ്. സൂചിക പ്രതിദിന ചാർട്ടിൽ ചെറിയ ബ്ലായ്ക്ക് കാൻഡിൽസ്റ്റിക്ക് രൂപപ്പെടുത്തി മുൻ ദിവസത്തെ ക്ലോസിംഗ് ലെവലിന് മുകളിൽ ക്ലോസ് ചെയ്തു. ഈ പാറ്റേൺ ഉയർച്ച തുടരാനുള്ള സാധ്യത സൂചിപ്പിക്കുന്നു. സൂചിക 51,500 ലെവലിൽ ഇൻട്രാഡേ പ്രതിരോധം അഭിമുഖീകരിക്കുന്നു, പിന്തുണ 51,300 ആണ്. സൂചിക 51,500 ലെവലിന് മുകളിൽ നിലനിന്നാൽ ഇന്ന് ബുള്ളിഷ് ട്രെൻഡ് പ്രതീക്ഷിക്കാം. അല്ലെങ്കിൽ, കുറച്ച് ദിവസത്തേക്ക് സൂചിക ഈ നിലയ്ക്ക് താഴെ സമാഹരിക്കപ്പെട്ടേക്കാം.
ഇൻട്രാഡേ സപ്പോർട്ട്
51,300 -51,150 -51,000
പ്രതിരോധം
51,500 -51,650 -51,800
(15 മിനിറ്റ് ചാർട്ടുകൾ).
പൊസിഷനൽ ട്രേഡർമാർക്ക് ഹ്രസ്വകാല പിന്തുണ 51,000 -49,600
പ്രതിരോധം 52,500 -53,400.
Read DhanamOnline in English
Subscribe to Dhanam Magazine
