ആഗോള വിപണിയുടെ ചുവടുപിടിച്ച് ഇന്ത്യന് ഓഹരി വിപണിയും ഇന്ന് താഴേയ്ക്ക്. അമേരിക്കന് ഓഹരി വിപണിയില് ടെക്നോളജി ഓഹരികള് തുടര്ച്ചയായി താഴേക്ക് പോകുന്നത് ആഗോള ഓഹരി വിപണികളില് ചലനം സൃഷ്ടിക്കുന്നുണ്ട്. അതിന്റെ പ്രതിഫലനമാണ് ഇന്ന് ഇന്ത്യന് വിപണിയിലുമുണ്ടായത്.
സെന്സെക്സ് 171 പോയ്ന്റ്, 0.45 ശതമാനം, ഇടിഞ്ഞ് 39,194ല് ക്ലോസ് ചെയ്തു. നിഫ്റ്റി 39 പോയ്ന്റ്, 0.35 ശതമാനം ഇടിവോടെ 11,278ലും ക്ലോസ് ചെയ്തു.
റിലയന്സ് ഇന്ഡസ്ട്രീസിന്റെ ഉപകമ്പനിയായ റിലയന്സ് റീറ്റെയ്ലിലേക്ക് നിക്ഷേപം പ്രവഹിക്കുന്നുവെന്ന വാര്ത്തയാണ് റിലയന്സിന് ഇന്ന് നേട്ടമായത്. സില്വര്ലേക്കിന്റെ നിക്ഷേപത്തിന് പിന്നാലെ കെകെആറും റിലയന്സ് റീറ്റെയ്ലില് നിക്ഷേപം നടത്താന് പോകുന്നതായി റിപ്പോര്ട്ടുകളുണ്ട്.
റിലയന്സ് ഓഹരി വില ഇന്ന് രണ്ടര ശതമാനത്തോളം ഉയര്ന്ന് 2,161ലെത്തി.
നിഫ്റ്റിയിലെ ഭൂരിഭാഗം സെക്ടര് സൂചികകളും ഇന്ന് താഴ്ചയാണ് രേഖപ്പെടുത്തിയത്. അതേ സമയം നിഫ്റ്റി ഫാര്മ രണ്ടുശതമാനത്തോളം ഉയര്ന്നു.
കേരള കമ്പനികളില് ഭൂരിഭാഗത്തിനും ഇന്ന് നേട്ടമുണ്ടാക്കാനായില്ല. എട്ട് ഓഹരികള് മാത്രമാണ് നേട്ടമുണ്ടാക്കിയത്. 18 ഓഹരികളുടെ വില താഴ്ന്നപ്പോള് വെര്ട്ടെക്സ് സെക്യൂരിറ്റീസിന്റെ വിലയില് മാറ്റമൊന്നുമുണ്ടായില്ല. 6.12 ശതമാനം നേട്ടത്തോടെ ഇന്ഡിട്രേഡാണ് നേട്ടമുണ്ടാക്കിയ കേരള കമ്പനികളില് മുന്നില്. 1.50 രൂപ വര്ധിച്ച് 26 രൂപയിലാണ് ഇന്ഡിട്രേഡിന്റേത് ക്ലോസ് ചെയ്തത്. ഈസ്റ്റേണ് ട്രെഡ്സിന്റെ ഓഹരി വില 1.85 രൂപ ഉയര്ന്ന് 38.85 രൂപയിലും (5 ശതമാനം ഉയര്ച്ച) കൊച്ചിന് ഷിപ്പ് യാര്ഡിന്റേത് 3.50 രൂപ ഉയര്ന്ന് (1.07 ശതമാനം) രൂപയിലുമെത്തി.
പാറ്റ്സ്പിന് ഇന്ത്യ (1.72 ശതമാനം), മുത്തൂറ്റ് ഫിനാന്സ് (1.01 ശതമാനം), എവിറ്റി (0.72 ശതമാനം), മണപ്പുറം ഫിനാന്സ് (0.45 ശതാനം), വണ്ടര്ലാ ഹോളിഡേയ്സ് (0.43 ശതമാനം) എന്നിവയാണ് നേട്ടമുണ്ടാക്കിയ മറ്റു കേരള കമ്പനികള്.
നേട്ടമുണ്ടാക്കാനാകാതെ പോയ കേരള കമ്പനികളില് കേരള ആയുര്വേദ മുന്നിലുണ്ട്. 3.77 ശതമാനം ഇടിവാണ് ഓഹരി വിലയില് ഇന്നുണ്ടായത്. 2.10 രൂപ ഇടിഞ്ഞ് ഓഹരി വില 53.65 ലെത്തി. റബ്ഫില ഇന്റര്നാഷണല് (3.55 ശതമാനം), കൊച്ചിന് മിനറല്സ് & റുട്ടൈല് (3.34 ശതമാനം ), നിറ്റ ജലാറ്റിന് (3.05 ശതമാനം), സിഎസ്ബി ബാങ്ക് (2.83 ശതമാനം), വിക്ടറി പേപ്പര് ആന്ഡ് ബോര്ഡ്സ് (2.63 ശതമാനം), ധനലക്ഷ്മി ബാങ്ക് 13.05 0.32 (2.39 ശതമാനം), ഹാരിസണ്സ് മലയാളം (2.06 ശതമാനം), ആസ്റ്റര് ഡി എം 1.61 ശതമാനം), മുത്തൂറ്റ് കാപിറ്റല് സര്വീസസ് (1.53 ശതമാനം), വി ഗാര്ഡ് ഇന്ഡസ്ട്രീസ് (1.52 ശതമാനം), ഫെഡറല് ബാങ്ക് (1.44 ശതമാനം), കെഎസ്ഇ (0.98 ശതമാനം), സൗത്ത് ഇന്ത്യന് ബാങ്ക് 7.08 0.06 (0.84 ശതമാനം), കിറ്റെക്സ് (0.68 ശതമാനം), ജിയോജിത്ത് ഫിനാന്ഷ്യല് സര്വീസസ് (0.54 ശതമാനം), എഫ്എസിടി (0.44 ശതമാനം), അപ്പോളോ ടയേഴ്സ് (0.18 ശതമാനം) എന്നിവയാണ് നേട്ടമുണ്ടാക്കാനാകാതെ പോയ മറ്റു കേരള കമ്പനികള്.
ഡെയ്ലി ന്യൂസ് അപ്ഡേറ്റുകള്, Podcasts, Videos എന്നിവ നിങ്ങളുടെ ഫോണിൽ ലഭിക്കാൻ join Dhanam Telegram Channel – https://t.me/dhanamonline
Dhanam YouTube Channel – youtube.com/dhanammagazine
Read DhanamOnline in English
Subscribe to Dhanam Magazine
