ആഗോള വിപണികളിലെ ആശ്വാസ റാലി ഇന്ത്യന് ഓഹരി വിപണിയെ രണ്ട് ദിവസത്തെ നഷ്ടം മറികടക്കാന് സഹായിച്ചു. ബെഞ്ച് മാര്ക്ക് സൂചിക സെന്സെക്സ് 777 പോയിന്റ് അഥവാ 1.37 ശതമാനം ഉയര്ന്ന് 57,357 പോയ്ന്റിലാണ് ഇന്ന് വ്യാപാരം അവസാനിപ്പിച്ചത്. നിഫ്റ്റി 246 പോയ്ന്റ് അഥവാ 1.46 ശതമാനം ഉയര്ന്ന് 17200 പോയ്ന്റിലാണ് ക്ലോസ് ചെയ്തത്.
അദാനി പോര്ട്സ്, ബജാജ് ഓട്ടോ, ഹീറോ മോട്ടോകോര്പ്പ്, പവര് ഗ്രിഡ്, മഹീന്ദ്ര ആന്റ് മഹീന്ദ്ര, ടൈറ്റന്, ടാറ്റ കണ്സ്യൂമര് പ്രോഡക്ട്സ്, ഇന്ഡസ്ഇന്ഡ് ബാങ്ക്, റിലയന്സ് ഇന്ഡസ്ട്രീസ്, ബജാജ് ഫിനാന്സ് എന്നിവ 3.5 ശതമാനത്തിനും 5.8 ശതമാനത്തിനും ഇടയില് ഉയര്ന്നു നേട്ടമുണ്ടാക്കി. അതേസമയം, എച്ച്ഡിഎഫ്സി ലൈഫ്, സിപ്ല, എല് ആന്ഡ് ടി, ദിവിസ് ലാബ്സ്, ഭാരതി എയര്ടെല്, ബ്രിട്ടാനിയ, എച്ച്യുഎല്, ടാറ്റ മോട്ടോഴ്സ്, എസ്ബിഐ, ശ്രീ സിമന്റ് എന്നിവ രണ്ട് ശതമാനം ഇടിഞ്ഞു.
വിശാല വിപണികളില്, ബിഎസ്ഇ മിഡ്ക്യാപ് സൂചിക 1.6 ശതമാനവും ബിഎസ്ഇ സ്മോള്ക്യാപ് 0.7 ശതമാനവും ഉയര്ന്നു. മേഖലാതലത്തില് യഥാക്രമം 3.5 ശതമാനവും 3 ശതമാനവും ഉയര്ന്ന് നിഫ്റ്റി റിയല്റ്റി, ഓട്ടോ സൂചികകള് മികച്ച മുന്നേറ്റം നടത്തി.
ഓഹരി വിപണി മുന്നേറിയപ്പോള് 15 കേരള കമ്പനികള്ക്ക് മാത്രമാണ് ഇന്ന് നേട്ടമുണ്ടാക്കാനായത്. അപ്പോളോ ടയേഴ്സ് (6.27 ശതമാനം), ആസ്റ്റര് ഡി എം (2.05 ശതമാനം), ഫെഡറല് ബാങ്ക് (2.31 ശതമാനം), ഹാരിസണ്സ് മലയാളം (6.55 ശതമാനം), കിംഗ്സ് ഇന്ഫ്രാ വെഞ്ച്വേഴ്സ് (3.69 ശതമാനം), മുത്തൂറ്റ് കാപിറ്റല് സര്വീസസ് (2.14 ശതമാനം), മണപ്പുറം ഫിനാന്സ് (2.17 ശതമാനം) തുടങ്ങിയവയാണ് ഇന്ന് നേട്ടമുണ്ടാക്കിയ കേരള കമ്പനികള്. എവിറ്റി, കൊച്ചിന് മിനറല്സ് & റുട്ടൈല്, ഈസ്റ്റേണ് ട്രെഡ്സ്, വെര്ട്ടെക്സ് സെക്യൂരിറ്റീസ് തുടങ്ങിയവയുടെ ഓഹരി വിലകളില് ഇടിവുണ്ടായി.
Read DhanamOnline in English
Subscribe to Dhanam Magazine
