സര്‍വകാല റെക്കോര്‍ഡിട്ട് സെന്‍സെക്‌സ്!

വ്യാപാരത്തിനിടെ ഒരു ഘട്ടത്തില്‍ പുതിയ റെക്കോര്‍ഡിട്ട നിഫ്റ്റി, 68 പോയ്ന്റ് അഥവാ 0.41 ശതമാനം നേട്ടത്തോടെ 16,705ല്‍ ക്ലോസ് ചെയ്തു.

വിശാല വിപണി തുടര്‍ച്ചയായി നാലാമത് വ്യാപാരദിനത്തിലും ഉയര്‍ച്ച രേഖപ്പെടുത്തി. ബിഎസ്ഇ മിഡ് കാപ് സൂചിക 1.04 ശതമാനം ഉയര്‍ന്നപ്പോള്‍ ബിഎസ്ഇ സ്‌മോള്‍കാപ് സൂചിക 0.93 ശതമാനം നേട്ടത്തില്‍ ക്ലോസ് ചെയ്തു.

നിഫ്റ്റിയിലെ എല്ലാ സെക്ടര്‍ സൂചികകളും ഇന്ന് ഗ്രീന്‍ സോണിലായിരുന്നു. നിഫ്റ്റി മെറ്റലും നിഫ്റ്റി ഫാര്‍മയും ഒരു ശതമാനത്തിലേറെ ഉയര്‍ന്നു.

കേരള കമ്പനികളുടെ പ്രകടനം

ഇന്ന് 15 കേരള കമ്പനികളുടെ ഓഹരികള്‍ നേട്ടമുണ്ടാക്കി. റബ്ഫില ഓഹരി വില നാല് ശതമാനത്തിലേറെ ഉയര്‍ന്നു 106.30 രൂപയിലെത്തി. എവിറ്റി നാച്വറല്‍, ഈസ്റ്റേണ്‍ ട്രെഡ്‌സ്, കിറ്റെക്‌സ് ഓഹരി വിലകള്‍ മൂന്ന് ശതമാനത്തിലേറെ നേട്ടമുണ്ടാക്കി. സൗത്ത് ഇന്ത്യന്‍ ബാങ്ക് ഓഹരി വില 2.72 ശതമാനം വര്‍ധിച്ചു.

കേരള ആയുര്‍വേദയുടെ ഓഹരി നാല് ശതമാനത്തിലേറെ ഇടിവ് രേഖപ്പെടുത്തി.