മൊമെന്റം സൂചകങ്ങള്‍ നിഷ്പക്ഷം; നിഫ്റ്റി 23,000 ന് താഴെ നീങ്ങിയാല്‍ ഇടിവ് തുടരാം; ഇന്‍ട്രാഡേ പ്രതിരോധം 23,100

നിഫ്റ്റി 309.80 പോയിന്റ് (1.32%) ഇടിഞ്ഞ് 23,071.80 ൽ വ്യാപാരം അവസാനിപ്പിച്ചു. നിഫ്റ്റി ഹ്രസ്വകാല സപ്പോർട്ട് ലെവലായ 23,000 ന് താഴെ ക്ലോസ് ചെയ്താൽ ഇടിവ് തുടരും.

നിഫ്റ്റി 23,383.60 ൽ ഫ്ലാറ്റ് ആയി തുറന്നു. പിന്നീട് കുത്തനെ ഇടിഞ്ഞ്  22,986.70 ൽ എത്തി. ഒടുവിൽ 23,071.80 ൽ ക്ലോസ് ചെയ്തു. എല്ലാ സെക്ടറുകളും നഷ്ടത്തിൽ അവസാനിച്ചു. റിയൽറ്റി, മീഡിയ, ഓട്ടോ, പി‌എസ്‌യു ബാങ്കുകൾ എന്നിവയാണ് കൂടുതൽ നഷ്ടം നേരിട്ട മേഖലകൾ.  

വിശാലവിപണി നെഗറ്റീവ് ആയി തുടർന്നു. 253 ഓഹരികൾ മുന്നറി, 2,496 ഓഹരികൾ ഇടിഞ്ഞു, 115 എണ്ണം മാറ്റമില്ലാതെ തുടർന്നു.

നിഫ്റ്റി 50 യിൽ  കൂടുതൽ നേട്ടമുണ്ടാക്കിയത് അദാനി എൻ്റർപ്രൈസസ്, ഗ്രാസിം, ട്രെൻ്റ്, എയർടെൽ എന്നിവയാണ്. കൂടുതൽ നഷ്ടം നേരിട്ടത് ഐഷർ മോട്ടോഴ്സ്, അപ്പോളോ ഹോസ്പിറ്റൽസ്, ശ്രീറാം ഫിനാൻസ്, കോൾ ഇന്ത്യ എന്നിവയാണ്.

മൊമെന്റം സൂചകങ്ങൾ നിഷ്പക്ഷ പ്രവണത കാണിക്കുന്നു. സൂചിക ഹ്രസ്വകാല മൂവിംഗ് ആവറേജിന് താഴെയാണ്.  സൂചിക ദൈനംദിന ചാർട്ടിൽ തുടർച്ചയായ അഞ്ചാമത്തെ ബ്ലായ്ക്ക് കാൻഡിൽസ്റ്റിക്ക് രൂപപ്പെടുത്തി, കഴിഞ്ഞ ദിവസത്തെ ക്ലോസിംഗിനു താഴെ ക്ലോസ് ചെയ്തു. ഈ പാറ്റേൺ സൂചിപ്പിക്കുന്നത് മൊമെന്റം കരടികൾക്ക് അനുകൂലമായി തുടരുന്നു എന്നാണ്. 

സൂചികയ്ക്ക് 23,000 ൽ ഹ്രസ്വകാല പിന്തുണയുണ്ട്. സൂചിക ഇതിനു താഴെ ക്ലോസ് ചെയ്താൽ വരും ദിവസങ്ങളിലും ഇടിവ് തുടരും. ഏറ്റവും അടുത്തുള്ള ഇൻട്രാഡേ പ്രതിരോധം 23,100 ലാണ്. പോസിറ്റീവ് ട്രെൻഡിലാക്കാൻ സൂചിക ഇതിനു മുകളിൽ വ്യാപാരം നടത്തി നിലനിൽക്കണം.

ഇൻട്രാഡേ ലെവലുകൾ: 

പിന്തുണ 23,000 -22,900 -22,800 

പ്രതിരോധം 23,100 -23,200 -23,300 

(15-മിനിറ്റ് ചാർട്ടുകൾ).

പൊസിഷണൽ ട്രേഡിംഗ്: 

പിന്തുണ 23,000 -22,500 

പ്രതിരോധം 23,500 -24,200.

ബാങ്ക് നിഫ്റ്റി

ബാങ്ക് നിഫ്റ്റി 577.60 പോയിന്റ് നഷ്ടം രേഖപ്പെടുത്തി 49,403.40 ൽ ക്ലോസ് ചെയ്തു. സാങ്കേതിക പാരാമീറ്ററുകൾ പോസിറ്റീവ് പ്രവണത കാണിക്കുന്നു, പക്ഷേ സൂചിക അതിന്റെ ഹ്രസ്വകാല മൂവിംഗ് ആവറേജിന് താഴെയാണ്. സൂചിക ദൈനംദിന ചാർട്ടിൽ ബ്ലായ്ക്ക് കാൻഡിൽസ്റ്റിക്ക് രൂപപ്പെടുത്തി മുമ്പത്തെ ക്ലോസിംഗിന് താഴെ ക്ലോസ് ചെയ്തു. ഈ പാറ്റേൺ സൂചികയ്ക്ക് നെഗറ്റീവ് ചായ്‌വ് സൂചിപ്പിക്കുന്നു. സൂചികയ്ക്ക് 49,600 ലെവലിൽ ഹ്രസ്വകാല പ്രതിരോധമുണ്ട്. സൂചിക ഈ ലെവലിനു താഴെ തുടരുകയാണെങ്കിൽ, വരും ദിവസങ്ങളിൽ കൂടുതൽ ഇടിവ് പ്രതീക്ഷിക്കാം. ഏറ്റവും അടുത്തുള്ള ഇൻട്രാഡേ സപ്പോർട്ട് 49,200 ലെവലിലാണ്.

ഇൻട്രാഡേ ട്രേഡർമാർക്ക്

പിന്തുണ 49,200 -48,900 -48,600 

പ്രതിരോധം 49,470 -49,750 -50,000

 (15 മിനിറ്റ് ചാർട്ടുകൾ)

പൊസിഷനൽ ട്രേഡർമാർക്ക്

പിന്തുണ 48,750 -47,750  

പ്രതിരോധം 49,600 -50,700.