നിഫ്റ്റി 23,550 നു മുകളിൽ തുടർന്നാൽ പോസിറ്റീവ് ട്രെൻഡ്; ഹ്രസ്വകാല പ്രതിരോധം 23,800

നിഫ്റ്റി 105.10 പോയിന്റ് (0.45%) ഉയർന്ന് 23,591.95 ൽ അവസാനിച്ചു. നിഫ്റ്റി 23,550 നു മുകളിൽ തുടർന്നാൽ പോസിറ്റീവ് ട്രെൻഡ് തുടരും.

നിഫ്റ്റി താഴ്ന്ന് 23,433.90 ൽ വ്യാപാരം തുടങ്ങി. പിന്നീട് കയറി 23,646.40 എന്ന ഇൻട്രാഡേ ഉയരത്തിലെത്തി.  23,591.95 ൽ ക്ലോസ് ചെയ്തു. 

ഓട്ടോയും ഫാർമയും ഒഴികെയുള്ള എല്ലാ മേഖലകളും നേട്ടത്തോടെ ക്ലോസ് ചെയ്തു. പൊതുമേഖലാ ബാങ്കുകൾ, മീഡിയ, റിയൽറ്റി, ധനകാര്യ സേവനങ്ങൾ എന്നിവയായിരുന്നു പ്രധാന നേട്ടക്കാർ.

വിശാലവിപണി നെഗറ്റീവ് ആയിരുന്നു. 1214 ഓഹരികൾ മുന്നേറി, 1602 എണ്ണം ഇടിഞ്ഞു, 73 എണ്ണം മാറ്റമില്ലാതെ തുടർന്നു. നിഫ്റ്റി 50 യിൽ ഹീറോ മോട്ടോകോ, ബജാജ് ഫിൻസെർവ് ,

ഇൻഡസ് ഇൻഡ് ബാങ്ക്, അദാനി എൻ്റർപ്രൈസസ് എന്നിവ മികച്ച നേട്ടമുണ്ടാക്കി. ടാറ്റാ മോട്ടോഴ്സ്, സൺ ഫാർമ, ഐഷർ മോട്ടോഴ്സ്, ഭാരതി എയർടെൽ എന്നിവയാണ് കൂടുതൽ നഷ്ടം നേരിട്ടത്.

മൊമെന്റം സൂചകങ്ങൾ പോസിറ്റീവ് പ്രവണത കാണിക്കുന്നു. സൂചിക ഹ്രസ്വകാല മൂവിംഗ് ആവറേജിന് മുകളിലാണ്. ദൈനംദിന ചാർട്ടിൽ തുടർച്ചയായി രണ്ട് ബ്ലായ്ക്ക് കാൻഡിൽ സ്റ്റിക്കുകൾക്കു ശേഷം സൂചിക ഒരു വെെറ്റ് കാൻഡിൽ സ്റ്റിക്ക് രൂപപ്പെടുത്തി ദിവസത്തിലെ ഏറ്റവും ഉയർന്ന നിലയ്ക്ക് സമീപം ക്ലോസ് ചെയ്തു. മൊമെന്റം ബുളളുകൾക്ക് അനുകൂലമായി മാറുന്നുവെന്ന് ഈ പാറ്റേൺ സൂചിപ്പിക്കുന്നു. 

ഏറ്റവും അടുത്തുള്ള ഇൻട്രാഡേ സപ്പോർട്ട് 23,550 ലാണ്. സൂചിക 23,550 നു മുകളിൽ തുടർന്നാൽ ബുള്ളിഷ് ട്രെൻഡ് തുടരാം. ഏറ്റവും അടുത്തുള്ള ഹ്രസ്വകാല പ്രതിരോധം 23,800 ലെവലിലാണ്. ശക്തമായ ബുള്ളിഷ് ട്രെൻഡിലാകാൻ സൂചിക ഈ ലെവലിനു മുകളിൽ ക്ലോസ് ചെയ്യേണ്ടതുണ്ട്.

ഇൻട്രാഡേ ലെവലുകൾ: 

പിന്തുണ 23,550 -23,475 -23,400

പ്രതിരോധം 23,650 -23,750 -23865

 (15-മിനിറ്റ് ചാർട്ടുകൾ).

പൊസിഷണൽ ട്രേഡിംഗ്: 

പിന്തുണ 23,250 -22,680 

പ്രതിരോധം 23,800 -24,225.

ബാങ്ക് നിഫ്റ്റി

ബാങ്ക് നിഫ്റ്റി 366.85 പോയിന്റ് നേട്ടത്തോടെ 51,575.85 ൽ ക്ലോസ് ചെയ്തു. സാങ്കേതിക പാരാമീറ്ററുകൾ പോസിറ്റീവ് പ്രവണത സൂചിപ്പിക്കുന്നു. സൂചിക ഹ്രസ്വകാല മൂവിംഗ് ആവറേജിന് മുകളിലാണ്.  സൂചിക ദൈനംദിന ചാർട്ടിൽ നീണ്ട വെെറ്റ് കാൻഡിൽസ്റ്റിക്ക് രൂപപ്പെടുത്തി   ദിവസത്തിലെ ഏറ്റവും ഉയർന്ന നിലയ്ക്ക് സമീപം ക്ലോസ് ചെയ്തു. സൂചികയ്ക്ക് 51,500 ൽ ഇൻട്രാഡേ പിന്തുണയുണ്ട്. സൂചിക ഈ ലെവലിനു മുകളിൽ നിലനിന്നാൽ ഇന്ന് ബുള്ളിഷ് ട്രെൻഡ് തുടരും. സമീപകാല ബുള്ളിഷ് ട്രെൻഡ് പുനരാരംഭിക്കാൻ സൂചിക 51,750 നു മുകളിൽ ക്ലോസ് ചെയ്യേണ്ടതുണ്ട്

ഇൻട്രാഡേ ട്രേഡർമാർക്ക് 

പിന്തുണ 51,500 -51,250 -51,050 

പ്രതിരോധം 51,700 -51,900 -52 ,100       

(15 മിനിറ്റ് ചാർട്ടുകൾ).

പൊസിഷനൽ ട്രേഡർമാർക്ക്

പിന്തുണ 50,600 -49,750

പ്രതിരോധം 51,750 -53,000.