ഓഹരി വിപണിയില് കുതിച്ചുയര്ന്ന് മീഡിയ ആന്റ് കമ്മ്യൂണിക്കേഷന് കമ്പനിയായ എന്എക്സ്ടി ഡിജിറ്റല്. ഹിന്ദുജ ലെയ്ലാന്ഡ് ഫിനാന്സിനെ (എച്ച്എല്എഫ്എല്) കമ്പനിയില് ലയിപ്പിക്കുന്നതിന് ബോര്ഡ് തത്വത്തില് അനുമതി നല്കിയതിന് പിന്നാലെയാണ് വ്യാഴാഴ്ചത്തെ ഇന്ട്രാഡേ ട്രേഡില് എന്എക്സ്ടി ഡിജിറ്റലിന്റെ (എന്ഡിഎല്) ഓഹരികള് ബിഎസ്ഇയില് 17 ശതമാനം ഉയര്ന്ന് 486.20 രൂപ തൊട്ടത്. നിലവില് (17-03-2022, 3.00 pm) 452 രൂപ എന്ന നിലയിലാണ് ഈ ഓഹരി വ്യാപാരം നടത്തുന്നത്.
അശോക് ലെയ്ലാന്ഡിന്റെ അനുബന്ധ സ്ഥാപനമായ എച്ച്എല്എഫ്എല്, 23 സംസ്ഥാനങ്ങളിലും 2 കേന്ദ്രഭരണ പ്രദേശങ്ങളിലുമായി 1,550 സ്ഥലങ്ങളില് 29,000 കോടിയിലധികം ആസ്തിയുള്ള (എയുഎം) ആസ്തിയുള്ള ഒരു നോണ്-ബാങ്കിംഗ് ഫിനാന്സ് കമ്പനിയാണ്. എന്ഡിഎല്ലിന്റെ ഡിജിറ്റല്, മീഡിയ, കമ്മ്യൂണിക്കേഷന്സ് ബിസിനസ് ഹിന്ദുജ ഗ്ലോബല് സൊല്യൂഷന്സിലേക്ക് മാറ്റാനുള്ള തീരുമാനത്തിന് ശേഷം ഉയര്ന്ന വളര്ച്ചാ അവസരങ്ങള് പിന്തുടരാനുള്ള എന്ഡിഎല്ലിന്റെ കാഴ്ചപ്പാടിന് അനുസൃതമായാണ് ഈ നീക്കം.
Read DhanamOnline in English
Subscribe to Dhanam Magazine
