വിപണിയിൽ പോസിറ്റീവ് പ്രവണത തുടരുന്നു; ഇന്നും റെക്കോഡ് പ്രതീക്ഷ

134.75 പോയിന്റ് (0.67 ശതമാനം) നേട്ടത്തോടെ 20,267.90 എന്ന റെക്കോഡ് നിരക്കിലാണ് നിഫ്റ്റി കഴിഞ്ഞ വാരം വ്യാപാരം അവസാനിപ്പിച്ചത്. സൂചിക 20,200-ന് മുകളിൽ ട്രേഡ് ചെയ്തു നിലനിർത്തിയാൽ ബുള്ളിഷ് ആക്കം തുടരാം.

വെള്ളിയാഴ്ച നിഫ്റ്റി ഉയർന്ന് 20,194.10 ൽ വ്യാപാരം തുടങ്ങി. പോസിറ്റീവ് ആക്കം സെഷനിലുടനീളം തുടർന്ന് എക്കാലത്തെയും ഉയർന്ന 20,291.60 പരീക്ഷിച്ചു. 20,267.90 ൽ ക്ലോസ് ചെയ്തു.

ഓട്ടോ ഒഴികെയുള്ള മേഖലകളെല്ലാം ഉയർന്നു ക്ലോസ് ചെയ്തു. മാധ്യമങ്ങൾ, പൊതുമേഖലാ ബാങ്കുകൾ, എഫ്എംസിജി, റിയൽറ്റി എന്നിവയാണ് ഏറ്റവും കൂടുതൽ നേട്ടമുണ്ടാക്കിയ മേഖലകൾ. 1289 ഓഹരികൾ ഉയർന്നു, 1055 ഓഹരികൾ ഇടിഞ്ഞു, 140 എണ്ണം മാറ്റമില്ലാതെ തുടർന്നു.

നിഫ്റ്റിയിൽ ഐ.ടി.സി, എൻ.ടി.പി.സി, ആക്സിസ് ബാങ്ക്, എൽ ആൻഡ് ടി, എന്നിവ കൂടുതൽ നേട്ടം ഉണ്ടാക്കിയപ്പോൾ ഹീറോ മോട്ടോ കോർപ്, മഹീന്ദ്ര ആൻഡ് മഹീന്ദ്ര, വിപ്രോ, എച്ച്.ഡി.എഫ്.സി  ലെെഫ് എന്നിവയ്ക്കായിരുന്നു കൂടുതൽ നഷ്ടം.

നിഫ്റ്റി ഹ്രസ്വകാല, ദീർഘകാല മൂവിംഗ് ശരാശരികൾക്ക് മുകളിലാണ്. ആക്കം സൂചകങ്ങളും പോസിറ്റീവ് പ്രവണത കാണിക്കുന്നു. സൂചിക പ്രതിദിന ചാർട്ടിൽ വെെറ്റ് കാൻഡിൽ (white candle) രൂപപ്പെടുത്തി എക്കാലത്തെയും ഉയർന്ന നിരക്കിൽ ക്ലോസ് ചെയ്തു. വരും ദിവസങ്ങളിലും ബുള്ളിഷ് മുന്നേറ്റം തുടരാമെന്നാണ് ഇതെല്ലാം സൂചിപ്പിക്കുന്നത്. സൂചികയ്ക്ക് 20,200-ൽ ഹ്രസ്വകാല പിന്തുണയുണ്ട്. സൂചിക ഈ നിലയ്ക്ക് മുകളിൽ തുടരുകയാണെങ്കിൽ, ബുള്ളിഷ് ആക്കം തുടരാം. വരും ദിവസങ്ങളിൽ ഇത് അടുത്ത ഹ്രസ്വകാല പ്രതിരോധം 20600 പരീക്ഷിച്ചേക്കാം.

ഇൻട്രാഡേ സപ്പോർട്ട് ലെവലുകൾ -

20,200-20,125-20,050

റെസിസ്റ്റൻസ് ലെവലുകൾ

20,300-20,400-20,500

(15 മിനിറ്റ് ചാർട്ടുകൾ)

പൊസിഷനൽ ട്രേഡർമാർക്ക്

ഹ്രസ്വകാല സപ്പോർട്ട് 20,200-19,850 പ്രതിരോധം 20,600 -21,000

ബാങ്ക് നിഫ്റ്റി

ബാങ്ക് നിഫ്റ്റി 332.45 പോയിന്റ് നേട്ടത്തിൽ 44,814.50 ലാണ് ക്ലോസ് ചെയ്തത്. മൊമെന്റം സൂചകങ്ങൾ പോസിറ്റീവ് പ്രവണത കാണിക്കുന്നു, സൂചിക ഹ്രസ്വകാല, ദീർഘകാല മൂവിംഗ് ശരാശരികൾക്ക് മുകളിലാണ്. സൂചിക ദൈനംദിന ചാർട്ടിൽ വെെറ്റ് കാൻഡിൽ രൂപപ്പെടുത്തി 44,650 എന്ന ഹ്രസ്വകാല പ്രതിരോധത്തിന് മുകളിൽ ക്ലോസ് ചെയ്തു. ഈ പാറ്റേൺ സൂചിപ്പിക്കുന്നത് ആക്കം കാളകൾക്ക് അനുകൂലമായി തുടരുന്നു എന്നാണ്. സൂചിക 44,650-ന് മുകളിൽ തുടരുകയാണെങ്കിൽ, ബുള്ളിഷ് ട്രെൻഡ് വരും ദിവസങ്ങളിലും തുടരാം. അടുത്ത ഹ്രസ്വകാല പ്രതിരോധം 45,500 ലെവലിൽ.

ഇൻട്രാഡേ സപ്പോർട്ട് ലെവലുകൾ 44,700 -44,475 -44,275

പ്രതിരോധ നിലകൾ

44,950 -45,200 -45,400

(15 മിനിറ്റ് ചാർട്ടുകൾ)

പൊസിഷനൽ ട്രേഡർമാർക്ക് ഹ്രസ്വകാല സപ്പോർട്ട് 44,650-44,000

പ്രതിരോധം 45,500 - 46,300