വേനൽ ചൂട് കനക്കുന്നു, ബ്ലൂ സ്റ്റാർ എസി യുടെ ഓഹരിക്ക് രക്ഷയാകുമോ?

കൊയിലിന്റെ നാശം തടയാനും ചോർച്ച ഒഴുവാക്കാനുമായി ബ്ലൂ ഫിൻ കോട്ടിങ്, പെട്ടന്ന് തണുപ്പിക്കാനായി ടർബോ കൂളിംഗ്, ഊർജം ലാഭിക്കാനായി എക്കോ മോഡ് തുടങ്ങി നിരവധി സവിശേഷതകൾ അടങ്ങിയതാണ് പുതിയ മോഡലുകൾ. 2011 ലാണ് ബ്ലൂ സ്റ്റാർ ഗാർഹിക എ സി വിപണിയിലേക്ക് കടന്നത്. 2022 ൽ ഈ വിഭാഗത്തിൽ 22 ശതമാനം മാർക്കറ്റ് വിഹിതം കരസ്ഥമാക്കാൻ കഴിയുമെന്ന് പ്രതീക്ഷ.

ആന്ധ്ര പ്രദേശിലെ ശ്രീ സിറ്റിയിൽ അത്യാധുനിക എ സി നിർമാണ പ്ലാന്റ് കേന്ദ്ര സർക്കാരിന്റെ പ്രൊഡക്ഷൻ ലിങ്ക്ഡ് ഇൻസെന്റീവ് (PLI scheme) പദ്ധതിയിൽ പെടുത്തി സ്ഥാപിക്കുകയാണ്. മികച്ച ഗവേഷണ വികസന സംവിധാനങ്ങൾ ബ്ല്യൂ സ്റ്റാറിനുണ്ട്. ഹിമാച്ചാൽ പ്രദേശിലെ നിർമാണ യൂണിറ്റ് വികസിപ്പിച്ചു കഴിഞ്ഞു.

2021 -22 ലെ മൂന്നാം പാദത്തിൽ വിറ്റുവരവ് 34.02 % വർധിച്ച് 1506.22 കോടി രൂപയായി, നികുതിക്ക് മുൻപുള്ള ലാഭം 38.91 % വർധിച്ച് 56.58 കോടി രൂപ യായി. 78 വർഷമായി എ സി വിപണിയിൽ ഉള്ള ബ്ലൂ സ്റ്റാറിന് ശക്തമായ ബ്രാൻഡ് ഇമേജ് ഉണ്ട്. ഈ വേനൽ കാലത്ത് വിൽപനയിൽ 15 ശതമാനം വളർച്ച നേടാൻ കഴിയുമെന്ന് പ്രതീക്ഷിക്കുന്നു.