ഇന്നത്തെ ഓഹരി: കോൾഗേറ്റ് പാമലിവ്(Colgate Palmolive (India) Ltd)
1937 ൽ കോൾഗേറ്റ് ഡെൻറ്റൽ ക്രീമും,1949 ൽ ടൂത് പൗഡറും ടൂത്ത് ബ്രഷും പുറത്തിറക്കി ദന്ത സംരക്ഷണ വിപണിയിൽ ആധിപത്യം നേടിയ കോൾഗേറ്റ് പാമലിവ് (Colgate Palmolive (India) Ltd) ഓരോ വർഷവും വിപണിയിൽ പുതിയ ഉൽപ്പങ്ങൾ പുറത്തിറക്കി വീണ്ടും വളരുന്ന കമ്പനിയാണ്.
നിലവിൽ കോസ്മെറ്റിക്സ്, ഷേവിങ്ങ് ക്രീം, സോപ്പ്, ഗ്ലിസറിൻ തുടങ്ങിയ ഉൽപ്പന്നങ്ങളും പാമോലിവ് ബ്രാൻഡിൽ പുറത്തിറക്കുന്നുണ്ട്. ഇലക്ട്രിക്ക് ടൂത്ത് ബ്രഷുകളും ആദ്യമായി പുറത്തിറക്കിയത് കോൾഗേറ്റായിരുന്നു.
2021-22 ൽ വിറ്റ് വരവ് 5.3 % വർധിച്ച് 5000 കോടി രൂപയിലധികമായി. 5 ആയുർവേദ ചേരുവകൾ ഉൾപ്പെടുത്തി വേദ് ശക്തി ടൂത്ത് പേസ്റ്റും, കോൾഗേറ്റ് സ്ട്രോങ്ങ് ടീത്തും റീലോഞ്ച് ചെയ്തു. മൂന്ന് ദിവസം കൊണ്ട് പല്ല് വെളിപ്പിക്കുന്ന ന്യു കോൾഗേറ്റ് വിസിബിൾ വൈറ്റ് എന്ന ടൂത്ത് പേസ്റ്റ് പുതുതായി വിപണിയിൽ ഇറക്കി.
2021-22 നാലാം പാദത്തിൽ പ്രവർത്തന വരുമാനം 1.4 % വർധിച്ച് 1303 കോടി രൂപയായി. ഉൽപ്പാദന ചെലവ് കൂടിയത് നേരിടാൻ ഉൽപ്പന്ന വിലകൾ വർധിപ്പിച്ചു. ഗ്രാമീണ മേഖലയിൽ വിൽപ്പന മാന്ദ്യം ഉണ്ടായി. ടൂത്ത് പേസ്റ്റ്, ടൂത്ത് ബ്രഷ് വിൽപ്പന കുറഞ്ഞു. പുതിയ ഉൽപ്പനങ്ങളിൽ ചിലത് വിജയിച്ചില്ല -മൗത്ത് വാഷ്, ഡയബറ്റിക് ടൂത്ത് പേസ്റ്റ് എന്നിവ അതിൽപ്പെടും.
ഇകൊമേഴ്സ് വിപണനം കഴിഞ്ഞ 5 വർഷങ്ങളിൽ 10 മടങ് വർധിച്ചു. വെല്ലുവിളകൾ നിറഞ്ഞ വർഷത്തിൽ സന്തുലിതമായ വളർച്ച കൈവരിക്കാൻ കോൾഗേറ്റിന് കഴിഞ്ഞതായി ചെയർമാൻ മുകുൾ ഡിയോറസ് അഭിപ്രായപ്പെട്ടു.
ജീവനക്കാരുടെ വേതന ചെലവുകൾ കുറച്ച് മാർജിൻ നിലനിർത്താൻ കഴിഞ്ഞിട്ടുണ്ട്. പുതിയ ഉൽപ്പനങ്ങൾ പുറത്തിറക്കുന്നതുകൊണ്ട് പരസ്യ ചെലവുകൾ വർധിക്കും. പ്രതിസന്ധിക ൾക്ക് നടുവിൽ കഴിഞ്ഞ വർഷം വളർച്ച കുറഞ്ഞെങ്കിലും ഗ്രാമീണ, നഗര പ്രദേശങ്ങളിൽ ഈ വർഷം വിപണി മെച്ചപ്പെടാൻ സാധ്യതയുണ്ട്.
നിക്ഷേപകർക്കുള്ള നിർദേശം -വാങ്ങുക (Buy)
ലക്ഷ്യ വില 1800
നിലവിൽ 1508
(Stock Recommendation by Geojit Financial Services)
