രാജ്യാന്തര ബ്രാന്‍ഡാകാന്‍ ഡാല്‍മിയ; ഓഹരിവിലയില്‍ മുന്നേറ്റം തുടരുമോ?

ഡാല്‍മിയ ഭാരത് രാജ്യത്തെ നാലാമത്തെ വലിയ സിമെന്റ് കമ്പനിയാണ്. മൊത്തം ഉല്‍പ്പാദന ശേഷി 37 ദശലക്ഷം ടണ്‍ ആണ്. ഫെബ്രുവരി മാസം ഈ ഓഹരി 10 % മുന്നേറ്റം ഉണ്ടായിട്ടുണ്ട്.

നിക്ഷേപകര്‍ക്ക് ഡാല്‍മിയ ഭാരത് ഓഹരികള്‍ ആകര്‍ഷകമാകാനുള്ള കാരണങ്ങള്‍ :

1. 2022-23 ഡിസംബര്‍ പാദത്തില്‍ വരുമാനം 23 % വര്‍ധിച്ച് 3355 കോടി രൂപയായി. നികുതിക്കും പലിശക്കും മുന്‍പുള്ള ആദായം (EBITDA ) 57.5% വര്‍ധിച്ച് 644 കോടി രൂപയായി. EBITDA മാര്‍ജിന്‍ 4.2% വര്‍ധിച്ച് 19.2%.

2. 2023-24 ല്‍ 13 ദശലക്ഷം ടണ്‍ ഉല്‍പ്പാദന ശേഷി വര്‍ധിപ്പിക്കുന്നു.

2026-27 ല്‍ 75 ദശലക്ഷം ടണ്ണായി ഉയര്‍ത്തും . തുടര്ന്ന് 2031 ല്‍ 110 ദശലക്ഷം ടണ്ണായി ഉയര്‍ത്തും. ഇതിലൂടെ ദേശിയ സിമെന്റ്റ് ബ്രാന്‍ഡായി ഡാല്‍മിയ ഭാരത് മാറും

3. ഇന്ത്യയുടെ മധ്യ മേഖലയില്‍ ആധിപത്യം സ്ഥാപിക്കാനായി ജയപ്രകാശ് അസോസിയേറ്റ്‌സ് എന്ന കമ്പനിയുടെ 5.2 ദശലക്ഷം ടണ്‍ ഉല്‍പ്പാദന ശേഷി ഏറ്റെടുക്കുകയാണ്.

4. മൊത്തം ചെലവുകള്‍ 6 % വര്‍ധിച്ചു, വൈദ്യുതി ചെലവ് 31 % വര്‍ധിച്ചു. അതിന് കാരണം പെറ്റ് കോക്ക്, കല്‍ക്കരി വില വര്‍ധനവാണ്. എങ്കിലും മാര്‍ജിന്‍ മെച്ചപ്പെടുത്താന്‍ കഴിഞ്ഞു.

5. ഹരിത ഊര്‍ജം കൂടുതലായി ഉപയോഗിക്കാന്‍ കമ്പനി ശ്രമിക്കുകയാണ്. നിലവില്‍ 154 മെഗാവാട്ട്. ഇത് 324 മെഗാവാട്ടായി ഉയര്‍ത്തും. ഹരിത ഊര്‍ജം കൂടുതല്‍ ഉപയോഗിക്കുന്നത് ചെലവ് കുറയ്ക്കാന്‍ സഹായിക്കും. സിമെന്റ്, ഊര്‍ജം, അസംസ്‌കൃത വസ്തുക്കള്‍ എന്നിവയുടെ വിലയില്‍ പ്രതികൂലമായ സ്ഥിതി ഉണ്ടായാല്‍ മാത്രമേ കമ്പനിയുടെ സാമ്പത്തിക വളര്‍ച്ചയെ ബാധിക്കുകയുള്ളൂ.

കേന്ദ്ര, സംസ്ഥാന സര്‍ക്കാരുകള്‍ അടിസ്ഥാന സൗകര്യ വികസനത്തിനും ഭവന നിര്‍മാണവും പ്രോത്സാഹിപ്പിക്കുന്ന സാഹചര്യത്തില്‍ സിമെന്റ്റ് ഡിമാന്‍ഡ് വര്‍ധിക്കുമെന്ന് കരുതാം.

നിക്ഷേപകര്‍ക്കുള്ള നിര്‍ദേശം - വാങ്ങുക (Accumulate)

ലക്ഷ്യ വില 2214 രൂപ

നിലവില്‍- 1,943.95

Stock Recommendation by Geojit Financial Services

(Equity investing is subject to market risk. Always do your own research before investing )