ന്യൂജെന്‍ ബാങ്കുകള്‍ക്ക് മാതൃക, ICICI Bank ഓഹരികള്‍ വാങ്ങാം

ഇന്നത്തെ ഓഹരി - ഐസിഐസിഐ ബാങ്ക് (ICICI Bank Limited)

• 1994 ല്‍ ധനകാര്യ സ്ഥാപനമായ ഐ സി ഐ സി ഐ ലിമിറ്റഡ് സ്ഥാപിച്ച ഐ സി ഐ സി ഐ ബാങ്ക് നൂതന സാങ്കേതിക വിദ്യകള്‍ ബാങ്കിംഗ് രംഗത്ത് കൊണ്ടു വരുന്നതില്‍ മറ്റു ന്യ ജെന്‍ ബാങ്കുകള്‍ക്ക് എന്നും വഴികാട്ടിയാണ്.
• ജൂണ്‍ മാസത്തില്‍ കാമ്പസ് പവര്‍ എന്ന പേരില്‍ വിദേശത്ത് പഠനത്തിന് പോകുന്ന വിദ്യാര്‍ത്ഥികള്‍ക്കായി ഒരു പുതിയ ഡിജിറ്റല്‍ പ്ലാറ്റ്ഫോം വികസിപ്പിച്ചു.
  
• ഇതിലൂടെ വിദേശ നാണയ ഇടപാടുകള്‍, വായ്പകള്‍, കാര്‍ഡുകള്‍ കൈകാര്യം ചെയ്യുന്നതും സുഗമമാക്കി. ഉല്‍പ്പന്നങ്ങള്‍ വാങ്ങുമ്പോള്‍ കാര്‍ഡ് ഇല്ലാതെ മാസ തവണ അടക്കാനുള്ള (Cardless EMI) പുതിയ സംവിധാനം ഒരു ഫിന്‍ ടെക്ക് കമ്പനിയുടെ സഹകരണത്തോടെ നടപ്പാക്കി.
• 10 ലക്ഷം രൂപവരെ ഓണ്‍ലൈനില്‍ വാങ്ങിയ ഉല്‍പ്പന്നങ്ങള്‍ക്ക് പാന്‍ നമ്പറും ഒ ടി പി യും ഉപയോഗിച്ച് തിരിച്ചടവ് മാസ വ്യവസ്ഥയിലാക്കാന്‍ സാധിക്കും.
  
• 2021-22 മുതല്‍ 2023-24 കാലയളവില്‍ 21 % സംയുക്ത വാര്‍ഷിക വളര്‍ച്ച നിരക്ക് കൈവരിക്കാന്‍ സാധിക്കും. 2021 -22 ലെ നാലാം പാദത്തില്‍ പലിശയില്‍ നിന്നുള്ള വരുമാനവും, നികുതിക്ക് മുമ്പുള്ള ലാഭവും ഉയര്‍ന്ന നിലവാരത്തില്‍ എത്തി. ഈട് വെച്ചു കൊണ്ടുള്ള വായ്പകള്‍ (mortgage loans) മൊത്തം വായ്പകളുടെ 34 ശതമാനമാണ്.
• 2021-22 പ്രവര്‍ത്തന ലാഭം 22 % വര്‍ധിച്ച് 38347 കോടി രൂപയായി. നാലാം പാദത്തില്‍ ഫീസ് ഇനത്തില്‍ വരുമാനം 14 % ഉയര്‍ന്ന് 4366 കോടി രൂപയായി. ഉപഭോക്താക്കളുടെ നിക്ഷേപങ്ങള്‍ 14 % വര്‍ധിച്ച് 10,645,72 കോടി രൂപ യായി. ക്രെഡിറ്റ് കാര്‍ഡിലൂടെ ഉപഭോക്താക്കള്‍ ചെലവാക്കിയ തുക 77 % ഉയര്‍ന്നു.
• ഈട് വെച്ചു കൊണ്ടുള്ള വായ്പകള്‍ (mortgage loans) മൊത്തം വായ്പകളുടെ 34 ശതമാനമാണ്. കോര്പറേറ്റ് വായ്പകളില്‍ നിഷ്‌ക്രിയ ആസ്തികള്‍ കുറക്കാന്‍ സാധിച്ചിട്ടുണ്ട്. ആസ്തികളില്‍ നിന്നുള്ള ആദായം 2 ശതമാനമായി ഉയര്‍ത്താന്‍ കഴിയുമെന്ന് പ്രതീക്ഷിക്കുന്നു.
• റീറ്റെയ്ല്‍, കോര്പറേറ്റ്, ചെറുകിട ഇടത്തരം വ്യവസായങ്ങള്‍ക്കുള്ള വായ്പകള്‍ വര്‍ധിക്കുന്നതും, നിഷ്‌ക്രിയ ആസ്തി കുറക്കാന്‍ സാധിക്കുന്നതും, കൂടുതല്‍ ഡിജിറ്റല്‍ സേവനങ്ങള്‍ നല്‍കിയും ഐ സി ഐ സി ബാങ്കിന്റെ പ്രവര്ത്തനം മെച്ചപ്പെടുമെന്ന് കരുതാം.

നിക്ഷേപകര്‍ക്കുള്ള നിര്‍ദേശം - വാങ്ങുക (Buy)

ലക്ഷ്യ വില - 1065 രൂപ

നിലവില്‍ - 717 രൂപ

(Stock Recommendation by Nirmal Bang Research.)