പ്രവര്‍ത്തനത്തില്‍ പൊന്‍തിളക്കം, കല്യാണ്‍ ജൂവലേഴ്സ് ഓഹരികള്‍ വാങ്ങാം

ഇന്നത്തെ ഓഹരി: കല്യാണ്‍ ജൂവലേഴ്സ് (Kalyan Jewellers India Ltd)

• 1993 ല്‍ തൃശൂരില്‍ റീറ്റെയ്ല്‍ ആഭരണ ബിസിനസ് ആരംഭിച്ച കല്യാണ്‍ ജൂവലേഴ്സ് (Kalyan Jewellers India Ltd) നിലവില്‍ ഇന്ത്യയിലും ഗള്‍ഫ് സഹകരണ രാജ്യങ്ങളിലുമായി (GCC) 150 ല്‍ പ്പരം ആഭരണ വില്‍പ്പന കേന്ദ്രങ്ങള്‍ സ്ഥാപിച്ചിട്ടുണ്ട്.
• ആഭരണ വിപണിയില്‍ സംഘടിത മേഖല ശക്തമാകുന്നത് കല്യാണ്‍ ജൂവലേഴ്സ് പോലുള്ള റീറ്റെയ്ല്‍ സ്ഥാപനങ്ങള്‍ക്ക് വളര്‍ച്ചയ്ക്കുള്ള അനൂകൂല സാഹചര്യം സൃഷ്ടിച്ചിരിക്കുന്നു.
• 2022 -23 ഒന്നാം പാദത്തില്‍ ഏകീകൃത വരുമാനം (ഇന്ത്യ + ഗള്‍ഫ്) 105 %, ആഭ്യന്തര ബിസിനസ് 115 % ഉയരുമെന്ന് കമ്പനി പ്രതീക്ഷിക്കുന്നു.
  

• തെക്കേ ഇന്ത്യക്ക് അപ്പുറം വികസനം നടത്തുക എന്ന ലക്ഷ്യത്തോടെ മൂന്ന് പുതിയ കടകള്‍ ആരംഭിച്ചതോടെ ഇന്ത്യയില്‍ വിവിധ ഭാഗങ്ങളിലായി ഇപ്പോള്‍ 127 കടകളായി. ഔറംഗബാദില്‍ ആദ്യ ഫ്രാഞ്ചൈസി ഷോറൂം ആരംഭിച്ചു.
• 5 എണ്ണം കൂടി സ്ഥാപിക്കാന്‍ ഉദ്ദേശിക്കുന്നു. 21 സംസ്ഥാനങ്ങളില്‍ കല്യാണ്‍ ജൂവലേഴ്സിന് സാന്നിധ്യം ഉണ്ട്.
• കമ്പനിയുടെ 17 % വിറ്റു വരവ് ഗള്‍ഫ് രാജ്യങ്ങളില്‍ നിന്നാണ്. അവിടെ വിനോദ സഞ്ചാര മേഖല തിരിച്ചു വരവ് നടത്തിയതോടെ ആഭരണ വില്‍പ്പനയില്‍ വര്‍ധനവ് ഉണ്ടായി. മധ്യ കിഴക്ക് മേഖലയില്‍ (Middle East ) ഇപ്പോള്‍ 31 കടകള്‍ ഉണ്ട്.
• ഭാരം കുറഞ്ഞ ആഭരണങ്ങള്‍, കല്ല് വെച്ച ആഭരണങ്ങള്‍ (studded) എന്നിവയ്ക്കാണ് വിപണിയില്‍ ഡിമാന്റ്റ്. ഇത്തരം ആഭരണങ്ങള്‍ പുറത്തിറക്കി തെക്കേ ഇന്ത്യക്ക് പുറത്തുള്ള വിപണികളില്‍ മുന്നേറ്റം നടത്താനാണ് ശ്രമിക്കുന്നത്.
• പുതിയ ആഭരണ ഡിസൈനുകള്‍ പുറത്തിറക്കിയും, ഓണ്‍ലൈന്‍ ബിസിനസ് വര്‍ധിപ്പിച്ചും മൊത്തം മാര്‍ജിന്‍ കൂട്ടാന്‍ സാധിക്കുമെന്ന് കമ്പനി പ്രതീക്ഷിക്കുന്നു.
  
• കഴിഞ്ഞ വര്‍ഷം പ്രഥമ ഓഹരി വില്‍പ്പന യിലൂടെ 1175 കോടി രൂപ സമാഹരിച്ചിരുന്നു. അത് പ്രവര്‍ത്തന മൂലധനത്തിനാണ് ഉപയോഗിച്ചത്.
• ഓണ്‍ലൈന്‍, ഓഫ് ലൈന്‍ ബിസിനസുകളുടെ സംയോജനത്തിലൂടെ മെച്ചപ്പെട്ട വരുമാനവും, മാര്‍ജിനും ഈ സാമ്പത്തിക വര്‍ഷം നേടാന്‍ സാധിക്കുമെന്ന് പ്രതീക്ഷിക്കുന്നു.

നിക്ഷേപകര്‍ക്കുള്ള നിര്‍ദേശം -വാങ്ങുക (Buy),

ലക്ഷ്യ വില -101 രൂപ,

നിലവില്‍ - 64 രൂപ

(Stock Recommendation by Centrum Broking )