വിവിധ ആവശ്യങ്ങള്ക്ക് ഉപയോഗിക്കുന്ന ബെയറിംഗുകള്ക്ക് കൂടുകള് (bearing cages) നിര്മിക്കുന്ന പ്രമുഖ കമ്പനിയാണ് 1986 ല് ഗുജറാത്തില് സ്ഥാപിതമായ ഹര്ഷ എഞ്ചിനിയേഴ്സ് (Harsha Engineers International Ltd). ഇന്ത്യന് വിപണിയിലും ലോക വിപണിയിലും ഈ വിഭാഗത്തില് ആധിപത്യം നിലനിര്ത്താന് കഴിഞ്ഞിട്ടുണ്ട്. മാര്ച്ച് തുടക്കം മുതല് ഈ ഓഹരിയില് മുന്നേറ്റം ഉണ്ടായിട്ടുണ്ട്.
ഇനിയും 23% വരെ ഉയരാന് സാധ്യത ഉണ്ട്, കാരണങ്ങള് അറിയാം :
1. ആഭ്യന്തര ബെയറിംഗ് കൂടുകളുടെ വിപണിയില് 50-60% വിഹിതം നേടിയിട്ടുണ്ട്. ആഗോള വിപണിയുടെ 6.5 %. ഹര്ഷ എഞ്ചിനിയേര്സ് ബെയറിംഗ് നിര്്മാതാക്കളുമായി നല്ല ബന്ധം സ്ഥാപിച്ചിട്ടുണ്ട്. തുടര്ന്നും ബിസിനസ് ലഭിക്കാന് ഇത് സഹായകരമാകും. മൂന്ന് വലിയ ജപ്പാന് കമ്പനികളുമായി ബന്ധം സ്ഥാപിച്ചിട്ടുണ്ട്. ഇവര്ക്ക് ബെയറിംഗ് കൂടുകള് നിര്മിച്ചു നല്കാനുള്ള കരാറുകള് അടുത്ത 3-5 വര്ഷത്തില് 10% വരെ വര്ധിക്കും.
2. നേരത്തെ ബെയറിംഗ് നിര്മാതാക്കള് സ്വന്തമായി കൂടുകള് നിര്മിച്ചിരുന്നു. ഇപ്പോള് ഈ ജോലി പുറം കരാറുകാര്ക്ക് കൊടുക്കുകയാണ്.
3. വലിയ ബെയറിംഗ് കൂടുകളുടെ ആവശ്യകത വര്ധിക്കുമെന്ന് പ്രതീക്ഷിക്കുന്നു. ഇത് നിര്മിക്കാനായി റൊമാനിയയിലെ ഉല്പ്പാദന കേന്ദ്രവും ഇന്ത്യയിലെ ഉല്പ്പാദന കേന്ദ്രങ്ങളും ഉപയോഗപ്പെടുത്തും.
4. വെങ്കല ബുഷിംഗ്സ് എന്ന പുതിയ ഉല്പ്പന്നം അടുത്തിടെ നിര്മിച്ചു തുടങ്ങി. ഇത് കാറ്റാടി യന്ത്രങ്ങളില് ബെയറിംഗിന് പകരം ഉപയോഗിക്കുന്നതാണ്. കാറ്റില് നിന്നുള്ള വൈദ്യുതി പദ്ധതികള് വര്ധിക്കുന്നത് കൊണ്ട് ഈ ഉല്പ്പന്നത്തിന് ഡിമാന്ഡ് കൂടും.
5. 2021 -22 മുതല് 2024 -25 കാലയളവില് വരുമാനത്തില് 8.6%, അറ്റാദായത്തില് 25.5% സംയുക്ത വാര്ഷിക വളര്ച നിരക്ക് കൈവരിക്കാന് സാധിക്കുമെന്ന് കരുതുന്നു.
6.സെപ്റ്റംബര് 2022 ല് പ്രഥമ ഓഹരി വില്പ്പനയിലൂടെ ലഭിച്ച തുക കടം തീര്ക്കാനും, കാറ്റില് നിന്നുള്ള ഊര്ജം, സൗരോര്ജ ഉല്പ്പാദനം വര്ധിപ്പിക്കാന് ഉപയോഗിക്കും. ഇതിലൂടെ 2022 -23 മുതല് 18 -19 കോടി രൂപയുടെ ചെലവ് കുറയ്ക്കാന് സാധിക്കും.
നിക്ഷേപകര്ക്കുള്ള നിര്ദേശം -വാങ്ങുക (Buy)
ലക്ഷ്യ വില -439 രൂപ
നിലവില്- 356
Stock Recommendation by Prabhudas Lilladher.
( Equity investing is subject to market risk. Always do your own research before investing )
Read DhanamOnline in English
Subscribe to Dhanam Magazine
