പുതിയ നേതൃത്വം ഈ ഐ.ടി കമ്പനിയെ മുന്നോട്ട് നയിക്കുമെന്ന് പ്രതീക്ഷ, ഓഹരി 20% ഉയരാം
കഴിഞ്ഞ ഒരു വർഷത്തിൽ നിഫ്റ്റി ഐ.ടി സൂചികയെക്കാൾ മികച്ച നേട്ടം നൽകി, ലാഭ മാർജിൻ ഉയരുമെന്ന് പ്രതീക്ഷ
മഹിന്ദ്ര ഗ്രൂപ്പിന് കീഴിൽ പ്രവർത്തിക്കുന്ന പ്രമുഖ ഐ.ടി കമ്പനിയാണ് ടെക്ക് മഹീന്ദ്ര (Tech Mahindra). 2023-24 ജൂൺ പാദത്തിൽ വരുമാനത്തിൽ നേരിയ വളർച്ച ഉണ്ടായി. എന്നാൽ നികുതിക്കും പലിശയ്ക്കും മറ്റും മുൻപുള്ള വരുമാനം 28.8 ശതമാനം ഇടിഞ്ഞു. ജൂൺ, ജൂലൈ മാസങ്ങളിലായി പുതിയ സി.ഇ.ഒയായി മോഹിത് ജോഷിയും സി.ഒ.ഒയായി അടുൽ സൊനെജെയും നേതൃ സ്ഥാനത്തേക്ക് വന്നത് കമ്പനിയുടെ വളർച്ചയെ സഹായിക്കുമെന്ന് പ്രതീക്ഷിക്കുന്നു. മോഹിത് ജോഷി ഇൻഫോസിസ് പ്രസിഡന്റ് സ്ഥാനത്ത് നിന്നാണ് പുതിയ ചുമതല ഏറ്റെടുത്തത്. നീണ്ട കാലം ഇൻഫോസിസ് ധനകാര്യ വെർട്ടിക്കൽ വിഭാഗത്തിൽ പ്രവർത്തിച്ച പരിചയ സമ്പത്തുണ്ട് അടുൽ സൊനേജയ്ക്ക്. ഈ സാഹചര്യത്തിൽ ഓഹരിയിൽ മുന്നേറ്റം പ്രതീക്ഷിക്കുന്നു:
ലക്ഷ്യ വില- 1,552 രൂപ
നിലവിൽ- 1,290 രൂപ
Stock Recommendation by ICICI Securities.
(Equity investing is subject to market risk. Always do your own research or consult a financial expert before investing)