ഇന്ത്യൻ രൂപയുടെ മൂല്യം റെക്കോർഡ് താഴ്ചയ്ക്ക് സമീപം തുടരുന്നത് സാമ്പത്തിക രംഗത്ത് വലിയ സ്വാധീനം ചെലുത്താന് സാധ്യതകള്. അടുത്തിടെയായി യു.എസ് ഡോളറിനെതിരെ രൂപയുടെ മൂല്യത്തിൽ വലിയ ചാഞ്ചാട്ടമാണ് അനുഭവപ്പെടുന്നത്. രൂപയുടെ ഈ മൂല്യത്തകര്ച്ച സ്വർണ്ണ വിലയിലും ഓഹരി വിപണിയിലും സ്വാധീനം ചെലുത്തും.
ഇന്ന് (നവംബർ 6) യുഎസ് ഡോളർ/ഐആർആർ വിനിമയ നിരക്ക് 88.61 രൂപക്കും 88.80 രൂപക്കും ഇടയിലായിരുന്നു. സെപ്റ്റംബറിൽ രേഖപ്പെടുത്തിയ എക്കാലത്തെയും താഴ്ന്ന നിരക്കായ 88.97 ന് അടുത്താണ് ഇത്.
രൂപയുടെ മൂല്യം ഇടിയുന്നത് സാധാരണയായി ആഭ്യന്തര സ്വർണ്ണ വില വർദ്ധിപ്പിക്കും. സ്വര്ണ്ണത്തിന് ഇറക്കുമതിയെയാണ് ഇന്ത്യ പ്രധാനമായും ആശ്രയിക്കുന്നത്. രൂപയുടെ മൂല്യം കുറയുമ്പോൾ, ഇറക്കുമതി ചെയ്യുന്ന സ്വർണ്ണത്തിന്റെ ചെലവ് വർദ്ധിക്കുന്നു. അന്താരാഷ്ട്ര വിപണിയിൽ സ്വർണ്ണ വിലയിൽ മാറ്റമില്ലെങ്കിൽ പോലും, രൂപയുടെ മൂല്യത്തകര്ച്ച കാരണം ആഭ്യന്തര വില കൂടാൻ ഇത് കാരണമാകും. കൂടാതെ, രൂപയുടെ മൂല്യം ഇടിയുമ്പോൾ, നിക്ഷേപകർ സുരക്ഷിത നിക്ഷേപം എന്ന നിലയിൽ സ്വർണ്ണം വാങ്ങാൻ ശ്രമിക്കുന്നതും വില കൂടാൻ കാരണമാകാറുണ്ട്.
രൂപയുടെ മൂല്യത്തകര്ച്ച ഓഹരി വിപണിയിൽ സമ്മിശ്രമായ സ്വാധീനമാണ് ചെലുത്തുക.
ഇറക്കുമതിയെ ആശ്രയിക്കുന്ന കമ്പനികൾ: അസംസ്കൃത വസ്തുക്കൾ കൂടുതലായി ഇറക്കുമതി ചെയ്യുന്ന കമ്പനികൾക്ക് രൂപയുടെ മൂല്യത്തകര്ച്ച ചെലവ് വർദ്ധിപ്പിക്കുകയും ലാഭം കുറയ്ക്കുകയും ചെയ്യുന്നു.
കയറ്റുമതിയെ ആശ്രയിക്കുന്ന കമ്പനികൾ: എന്നാൽ ഐ.ടി (IT), ഫാർമസ്യൂട്ടിക്കൽസ് പോലുള്ള കയറ്റുമതി മേഖലയിലെ കമ്പനികൾക്ക് ഇത് ഗുണം ചെയ്യും. ദുർബലമായ രൂപ, അവരുടെ വരുമാനം ഡോളറിൽ ലഭിക്കുമ്പോൾ ഉയർന്ന മൂല്യം നേടാൻ സഹായിക്കുന്നു.
വിദേശ നിക്ഷേപം: രൂപയുടെ തുടർച്ചയായ മൂല്യത്തകര്ച്ച വിദേശ സ്ഥാപന നിക്ഷേപകരുടെ (FII) നിക്ഷേപങ്ങൾ പിൻവലിക്കുന്നതിന് കാരണമായേക്കാം. ഇത് ഓഹരി വിപണിക്ക് മൊത്തത്തിൽ തിരിച്ചടിയാണ്.
രൂപയുടെ മൂല്യം കുറയുന്നത് സ്വർണ്ണത്തിന് പിന്തുണ നൽകുകയും അതേസമയം ഓഹരി വിപണിയിൽ ചാഞ്ചാട്ടം സൃഷ്ടിക്കുകയും ചെയ്യും.
The depreciation of the Indian rupee near record lows, influencing gold prices and causing volatility in the stock market.
Read DhanamOnline in English
Subscribe to Dhanam Magazine
