ജുന്‍ജുന്‍വാലയുടെ കണക്കുകള്‍ തെറ്റുന്നോ? ഈ സ്റ്റോക്കിന്റെ റേറ്റിംഗ് വെട്ടിക്കുറച്ച് ഏജന്‍സികള്‍
കമ്പനിയുടെ മൂന്നാം പാദ ഫലങ്ങള്‍ പുറത്തുവന്നതോടെ ഒരു വര്‍ഷത്തെ ഏറ്റവും താഴ്ന്ന നിലവാരത്തിലേക്ക് ഓഹരികള്‍.
Pic courtesy: Alchemy Capital
ബിഗ് ബുള്‍ ജുന്‍ജുന്‍വാലയുടെ കണക്കുകൂട്ടലുകള്‍ തെറ്റുകയാണോ? ജുന്‍ജുന്‍വാല നിക്ഷേപം നടത്തിയ മറ്റൊരു കമ്പനിയുടെ ഓഹരികള്‍ കൂടി വന്‍ നഷ്ടത്തിലേക്ക്. ആഗോളതലത്തില്‍ സാന്നിധ്യമുള്ള ഇന്ത്യന്‍ ഫാര്‍മ കമ്പനിയായ ജൂബിലന്റ് ഫാര്‍മോവയിലെ ഓഹരികളാണ് നഷ്ടത്തിലേക്ക് കൂപ്പുകുത്തിയത്.
ഡിസംബര്‍ പാദത്തില്‍ കമ്പനിയുടെ പ്രവര്‍ത്തനഫലം വളരെ മോശമായിരുന്നു. ആകെ വരുമാനം 1,310.53 കോടി രൂപയാണ്. കഴിഞ്ഞ വര്‍ഷത്തെ സമാന പാദത്തേക്കാള്‍ 26 ശതമാനം ഇടിവാണ് വരുമാനത്തില്‍ രേഖപ്പെടുത്തിയത്. കമ്പനിയുടെ അറ്റാദായം 83.55 ശതമാനം ഇടിഞ്ഞ് 50.99 കോടി രൂപയായി. കഴിഞ്ഞ വര്‍ഷം അറ്റാദായം 309.93 കോടി രൂപയായിരുന്നു. പ്രവര്‍ത്തന ലാഭത്തിലും വാര്‍ഷികാടിസ്ഥാനത്തില്‍ 60 ശതമാനത്തോളം ഇടിവുണ്ടായി.
ന്യൂക്ലിയര്‍ മെഡിസിനില്‍ അധിഷ്ഠിതമായ രോഗനിര്‍ണയം, ചികിത്സ മരുന്നുകള്‍), അലര്‍ജി രോഗങ്ങള്‍ക്കുള്ള മരുന്നുകള്‍, പേറ്റന്റ് അധിഷ്ഠിതമായ മരുന്നുകള്‍ എന്നിവയുടെയും മരുന്നുകളിലെ രാസ സംയുക്തങ്ങളുടെയും നിര്‍മാണത്തിലേര്‍പ്പെട്ടിരിക്കുന്ന കമ്പനിയാണ് ഇത്.
(ഇതൊരു ഓഹരി നിര്‍ദേശമല്ല, റിപ്പോര്‍ട്ട് മാത്രമാണ്)