വിജയ ഡയഗ്‌നോസ്റ്റിക് സെന്റര്‍ ഐപിഒ സെപ്റ്റംബര്‍ ഒന്നിന്; വിലയും വിവരങ്ങളും അറിയാം

1895 കോടി രൂപ സമാഹരിക്കല്‍ ലക്ഷ്യമിട്ടുകൊണ്ടുള്ള ഐപിഒ സെപ്റ്റംബര്‍ മൂന്നിന് ക്ലോസ് ചെയ്യും.
വിജയ ഡയഗ്‌നോസ്റ്റിക് സെന്റര്‍ ഐപിഒ സെപ്റ്റംബര്‍ ഒന്നിന്; വിലയും വിവരങ്ങളും അറിയാം
Published on

വിജയ ഡയഗ്‌നോസ്റ്റിക് സെന്ററിന്റെ ഇനിഷ്യല്‍ പബ്ലിക് ഓഫറിംഗ് (IPO) സെപ്റ്റംബര്‍ 1 ബുധനാഴ്ച സബ്‌സ്‌ക്രിപ്ഷനായി തുറക്കും.

ഐപിഓയിലൂടെ 1895 രൂപ സമാഹരിക്കുകയാണ് ലക്ഷ്യം.

1 രൂപ മുഖവിലയുള്ള ഓഹരി ഒന്നിന് 522-531 രൂപയായി പ്രൈസ് ബാന്‍ഡ് ആണ് നിശ്ചയിച്ചിട്ടുള്ളത്. നിക്ഷേപകര്‍ക്ക് കുറഞ്ഞത് 28 ഇക്വിറ്റി ഷെയറുകളും അതിനുശേഷം 28 ഓഹരികളുടെ ഗുണിതങ്ങളും വാങ്ങാം.

പ്രൊമോട്ടര്‍മാരും കമ്പനിയുടെ നിലവിലുള്ള ഷെയര്‍ഹോള്‍ഡര്‍മാരും നല്‍കുന്ന ഓഫര്‍ ഫോര്‍ സെയില്‍ (OFS) അടങ്ങുന്നതാകും ഈ ഇഷ്യു. ഹൈദരാബാദ് ആസ്ഥാനമായി പ്രവര്‍ത്തിക്കുന്ന കമ്പനിയുടെ പ്രമോട്ടര്‍ എസ്. സുരേന്ദ്രനാഥ് റെഡ്ഡി ഓഎഫ്എസില്‍ 5,098,296 ഓഹരികള്‍ ഓഫ്ലോഡ് ചെയ്യും.

കാരക്കോറം (29,487,290 ഇക്വിറ്റി ഷെയറുകള്‍), കേദാര ക്യാപിറ്റല്‍ AIF 1 (1,102,478 ഇക്വിറ്റി ഷെയറുകള്‍) ഉള്‍പ്പെടെ കമ്പനിയുടെ നിലവിലുള്ള നിക്ഷേപകരും ഓഹരി വില്‍പനയില്‍ പങ്കെടുക്കും.

നെറ്റ് ഇഷ്യുവിന്റെ 50 ശതമാനം ഭാഗവുംക്വാളിഫൈഡ് ഇന്‍സ്റ്റിറ്റിയൂഷണല്‍ ബയേഴ്‌സിന്് (QIB ) സംവരണം ചെയ്തിട്ടുണ്ട്. അതേസമയം 15 ശതമാനം ഓഹരികള്‍ സ്ഥാപനേതര നിക്ഷേപകര്‍ക്കും (NII) അനുവദിക്കും.

ചെറുകിട നിക്ഷേപകര്‍ക്ക് ഇഷ്യു വലുപ്പത്തിന്റെ 35 ശതമാനം മാറ്റിവച്ചിട്ടുള്ളതായാണ് കമ്പനി അറിയിപ്പ്. സബ്‌സ്‌ക്രിപ്ഷന്‍ സെപ്റ്റംബര്‍ 3 വെള്ളിയാഴ്ച അവസാനിക്കും.

2021 ജൂണ്‍ വരെയുള്ള കണക്ക് പ്രകാരം രാജ്യത്തെ വിവിധ ഭാഗങ്ങളിലായി 81 ഡയഗ്‌നോസ്റ്റിക് സെന്ററുകളും 11 റഫറന്‍സ് ലബോറട്ടറികളും ഉണ്ട് വിജയ ഡയഗ്നോസ്റ്റിക്‌സിന്.

Read DhanamOnline in English

Subscribe to Dhanam Magazine

Related Stories

No stories found.
logo
DhanamOnline
dhanamonline.com