എല്ലാവരും കാത്തിരുന്ന കമലഹാസൻ ചിത്രം വിശ്വരൂപം 2 നാളെ തീയേറ്ററുകളിൽ എത്തുകയാണ്. സാമ്പത്തിക പ്രതിസന്ധി മൂലം പലതവണ റിലീസ് തീയതി മാറ്റിവക്കേണ്ടി വന്നെങ്കിലും വിജയിക്കാൻ തീരുമാനിച്ചുറച്ച പോലെയാണ് ഈ ബിഗ് ബജറ്റ് ചിത്രം നാളെ വെള്ളിത്തിരയിലെത്തുന്നത്.
കമലഹാസൻ സംവിധാനം ചെയ്ത് അദ്ദേഹം തന്നെ നിർമ്മിക്കുന്ന വിശ്വരൂപം രണ്ടാം ഭാഗത്തിന് 75 കോടി രൂപയാണ് ചെലവഴിച്ചത്. എന്നാൽ ഇപ്പോൾത്തന്നെ സിനിമ 110 കോടി രൂപയുടെ പ്രീ-റിലീസ് ബിസിനസ് നേടിക്കഴിഞ്ഞു.
വിശ്വരൂപം 2, 2013 ൽ പുറത്തിറങ്ങിയ അതിന്റെ ആദ്യ ഭാഗം പോലെത്തന്നെ പല വിവാദങ്ങളിലും പെട്ടിരുന്നു. അതുകൊണ്ടുതന്നെ വളരെ ശ്രദ്ധയോടെയാണ് കമൽ ഈ ചിത്രം റിലീസിന് കൊണ്ടുവരുന്നത്. ഒരു നടൻ എന്ന നിലക്കും നിർമ്മാതാവെന്ന നിലക്കും കമലിന് വളരെ പ്രധാനമാണ് ഈ പ്രോജക്ടിൻറെ വിജയം.
കമലിന്റെ രാഷ്ട്രീയ പ്രവേശനത്തിന് ശേഷമുള്ള ആദ്യ സിനിമ എന്ന നിലയിൽ അദ്ദേഹത്തിന്റെ രാഷ്ട്രീയ നിലപാടുകളുടെ ഒരു വിലയിരുത്തലുകൂടിയാകും വിശ്വരൂപം 2 ന്റെ വിജയം.
ചിത്രം വിജയിക്കാനുള്ള സാധ്യതയാണ് കൂടുതൽ എന്ന് സിനിമ നിരീക്ഷകർ പറയുന്നു. അതിനുള്ള പ്രധാന ഘടകങ്ങൾ ഇവയാണ്.
Read DhanamOnline in English
Subscribe to Dhanam Magazine
