ബിസിനസ് രംഗത്ത് പരിഷ്‌കാരങ്ങള്‍ കൊണ്ടു വരുന്നതിനുള്ള നിര്‍ദേശങ്ങളാണ് കോണ്‍ഫെഡറേഷന്റേത്. കേന്ദ്ര,സംസ്ഥാന, പ്രാദേശിക ഭരണകൂടങ്ങള്‍ ബിസിനസ് സംരംഭങ്ങള്‍ക്ക് നല്‍കുന്ന അനുമതികള്‍ക്ക് ദേശീയ തലത്തില്‍ ഏകജാലക സംവിധാനം വേണം. വ്യവസായ രംഗത്തെ തര്‍ക്കങ്ങള്‍ പരിഹരിക്കുന്നതിന് ബദല്‍ സംവിധാനം ഏര്‍പ്പെടുത്തണം. പാരിസ്ഥിതിക വെല്ലുവിളികളുമായി ബന്ധപ്പെട്ട നിയന്ത്രണങ്ങള്‍ക്ക് ഏക രൂപമുണ്ടാക്കണം. വ്യവസായ ഭൂമികളുടെ സ്ഥിതി വിവരങ്ങള്‍, രേഖകള്‍ തുടങ്ങിയ കാര്യങ്ങള്‍ ഡിജിറ്റലൈസ് ചെയ്യണം. ഇന്‍ഡസ്ട്രിയല്‍ ലാന്റ് ബാങ്കിന് രൂപം നല്‍കുന്നത് വ്യവസായങ്ങള്‍ക്കായി ഭൂമി ഏറ്റെടുക്കുന്നതിന് സഹായിക്കും. ബിസിനസ് എളുപ്പമാക്കല്‍ പ്രക്രിയ കൂടുതല്‍ കാര്യക്ഷമമാകണം. നാഷണല്‍ ജുഡീഷ്യല്‍ ഡാറ്റ ഗ്രിഡിന്റെ സാധ്യതാ മേഖലകള്‍ വര്‍ധിപ്പിക്കണം. ട്രൈബ്യൂണലുകളിലുള്ള കേസുകള്‍ കൂടി ഗ്രിഡിന് ലഭ്യമാക്കുന്നതിന് നടപടികളുണ്ടാകണം. തൊഴിലാളികള്‍ക്കുള്ള ശ്രം സുവിധ പോര്‍ട്ടലില്‍ കേന്ദ്ര-സംസ്ഥാന തൊഴില്‍ നിയമങ്ങള്‍ സംബന്ധിച്ച എല്ലാ വിവരങ്ങളും ലഭ്യമാക്കണം. നികുതിയുമായി ബന്ധപ്പെട്ട തര്‍ക്കങ്ങള്‍ വര്‍ധിക്കുന്നതിനാല്‍ ആദായ നികുതി കമ്മീഷണര്‍ക്ക് (അപ്പീല്‍) പുറമെ ബദല്‍ സംവിധാനം ഉപയോഗപ്പെടുത്തണമെന്നും സിഐഐ നിര്‍ദേശങ്ങളില്‍ വ്യക്തമാക്കി.
Read DhanamOnline in English
Subscribe to Dhanam Magazine
