സംസ്ഥാനത്ത് കോവിഡിന് ശമനമില്ല: പുതുതായി 12,868 രോഗികള്‍
ടെസ്റ്റ് പോസിറ്റിവിറ്റി നിരക്ക് ഉയര്‍ന്ന സ്ഥലങ്ങളില്‍ പ്രദേശിക ലോക്ക്ഡൗണുകള്‍ കടുപ്പിക്കുന്നു
രാജ്യത്തെ കോവിഡ് കേസുകള്‍ കുറയുമ്പോഴും സംസ്ഥാനത്തെ പ്രതിദിന കോവിഡ് ബാധിതരുടെ എണ്ണം കുറയാത തുടരുന്നു. 24 മണിക്കൂറിനിടെ 12,868 പേര്‍ക്കാണ് പുതുതായി കോവിഡ് കണ്ടെത്തിയത്. ദിവസങ്ങളായി ദേശീയതലത്തില്‍ പ്രതിദിന കേസുകളില്‍ കേരളമാണ് ഒന്നാമതുള്ളത്. കോവിഡ് ബാധിക്കുന്നവരുടെ എണ്ണം കുറയാത്ത സഹചര്യത്തില്‍ ടെസ്റ്റ് പോസിറ്റിവിറ്റി നിരക്ക് ഉയര്‍ന്ന സ്ഥലങ്ങളില്‍ പ്രദേശിക ലോക്ക്ഡൗണുകള്‍ കര്‍ശനമാക്കിയിട്ടുണ്ട്. മലപ്പുറം 1561, കോഴിക്കോട് 1381, തിരുവനന്തപുരം 1341, തൃശൂര്‍ 1304, കൊല്ലം 1186, എറണാകുളം 1153, പാലക്കാട് 1050, ആലപ്പുഴ 832, കണ്ണൂര്‍ 766, കാസര്‍ഗോഡ് 765, കോട്ടയം 504, പത്തനംതിട്ട 398, ഇടുക്കി 361, വയനാട് 266 എന്നിങ്ങനെയാണ് ഇന്ന് പുതുതായി കോവിഡ് സ്ഥിരീകരിച്ചവരുടെ എണ്ണം.