കേരളത്തിന്റെ ബിസിനസ് മേഖലയില്‍ വലിയ സംഭാവനകള്‍ നല്കിയവര്‍ക്കുള്ള ആദരവാണ് ധനം ബിസിനസ് സമ്മിറ്റ് ആന്‍ഡ് അവാര്‍ഡ് നൈറ്റിലെ പുരസ്‌കാരങ്ങള്‍. ജൂണ്‍ 25ന് കൊച്ചി ലെ മെറിഡിയന്‍ കണ്‍വെന്‍ഷന്‍ സെന്ററില്‍ നടക്കുന്ന ഇത്തവണത്തെ ധനം ബിസിനസ് സമ്മിറ്റില്‍ ലൈഫ് ടൈം അച്ചീവ്‌മെന്റ്‌സ് പുരസ്‌കാരം നേടിയിരിക്കുന്നത് സിജിഎച്ച് എര്‍ത്ത് സഹസ്ഥാപകന്‍ ജോസ് ഡൊമിനിക്കിനാണ്.
ബിസിനസ് വഴികളില്‍ വലിയ നേട്ടങ്ങള്‍ കൈവരിച്ചവരാണ് ലൈഫ്‌ടൈം അച്ചീവ്‌മെന്റ് പുരസ്‌കാരം സമ്മാനിക്കുന്നത്. 2014ല്‍ പുരസ്‌കാരം നേടിയത് ശോഭ ഗ്രൂപ്പ് സ്ഥാപകനും ചെയര്‍മാനുമായിരുന്ന പി.എന്‍.സി മേനോനാണ്. 2018ല്‍ ജ്യോതി ലാബിന്റെ സിഎംഡിയായിരുന്ന എം.പി രാമചന്ദ്രനാണ് രണ്ടാമത്തെ ലൈഫ് ടൈം അച്ചീവ്‌മെന്റ് പുരസ്‌കാരത്തിന് അര്‍ഹനായത്.
2023ല്‍ ഇന്‍ഫോസിസ് സഹസ്ഥാപകനും അക്‌സിലര്‍ വെഞ്ചേഴ്‌സിന്റെ ചെയര്‍മാനുമായ ക്രിസ് ഗോപാലകൃഷ്ണനെ തേടി നേട്ടമെത്തി. കഴിഞ്ഞ വര്‍ഷം ഫെഡറല്‍ ബാങ്ക് എംഡിയും സി.ഇ.ഒയുമായിരുന്ന ശ്യാം ശ്രീനിവാസനാണ് പുരസ്‌കാരം ഏറ്റുവാങ്ങിയത്.
ധനം ബിസിനസ്മാന്‍ ഓഫ് ദി ഇയര്‍ 2025 പുരസ്‌കാരം ജോയ്ആലുക്കാസ് ഗ്രൂപ്പ് ചെയര്‍മാന്‍ ഡോ. ജോയ് ആലുക്കാസിനാണ്. ധനം ബിസിനസ് പ്രൊഫഷണല്‍ 2025 പുരസ്‌കാരത്തിന് വി ഗാര്‍ഡ് ഇന്‍ഡസ്ട്രീസ് ലിമിറ്റഡ് ഹോള്‍ടൈം ഡയറക്റ്ററും ചീഫ് ഓപ്പറേറ്റിംഗ് ഓഫീസര്‍ വെങ്കിട്ടരാമന്‍ രാമചന്ദ്രന്‍ അര്‍ഹനായി.
എലൈറ്റ് ഗ്രൂപ്പ് എക്‌സിക്യൂട്ടിവ് ഡയറക്റ്റര്‍ ധനേസ രഘുലാലിനെ വുമണ്‍ എന്റര്‍പ്രണര്‍ ഓഫ് ദി ഇയര്‍ 2025 ആയി തെരഞ്ഞെടുത്തു. ധനം സ്റ്റാര്‍ട്ടപ്പ് പുരസ്‌കാരം നേടിയത് ക്ലൗഡ്സെക് ആണ്. രാഹുല്‍ ശശിയാണ് ക്ലൗഡ്സെക് സ്ഥാപകനും സി.ഇ.ഒയും.
ജൂണ്‍ 25ന് കൊച്ചിയിലെ ലെ മെറിഡിയന്‍ കണ്‍വെന്‍ഷന്‍ സെന്ററില്‍ നടക്കുന്ന ധനം ബിസിനസ് സമിറ്റ് & അവാര്‍ഡ് നൈറ്റില്‍ വെച്ച് പുരസ്‌കാര വിതരണം. രണ്ടുവട്ടം ഓസ്‌കര്‍ അവാര്‍ഡ് ജേതാവായ ഇന്ത്യന്‍ വനിത ചലച്ചിത്ര നിര്‍മാതാവ് ഗുനീത് മോംഗ ധനം സമിറ്റ് & അവാര്‍ഡ് നൈറ്റില്‍ വിശിഷ്ടാതിഥിയാകും.
സംസ്ഥാനത്ത് 1,000 കോടി രൂപയിലും അതിനുമുകളിലും വിറ്റുവരവുള്ള കമ്പനികളെ അണിനിരത്തുന്ന 'ധനം പവര്‍ലിസ്റ്റ്' ചടങ്ങില്‍ വെച്ച് പുറത്തിറക്കും.
Register Now: www.dhanambusinesssummit.com
കൂടുതല്‍ വിവരങ്ങള്‍ക്ക്: +91 9072570065
Read DhanamOnline in English
Subscribe to Dhanam Magazine
