സംസ്ഥാനത്ത് സ്വര്ണവിലയില് ഇന്ന് നേരിയ കുറവ്. ഗ്രാമിന് 15 രൂപ താഴ്ന്ന് 11,710 രൂപയിലെത്തി. പവന് വിലയില് 120 രൂപയാണ് കൂടിയത്. ഒരു പവന് സ്വര്ണത്തിന്റെ ഇന്നത്തെ വില 93,680 രൂപയാണ്. നവംബര് ഒന്നിലെ വിലയായ 90,200 രൂപയുമായി തട്ടിച്ചുനോക്കുമ്പോള് 3,480 രൂപയുടെ വര്ധന.
ലൈറ്റ് വെയിറ്റ് ആഭരണങ്ങള് നിര്മിക്കാന് ഉപയോഗിക്കുന്ന 18 കാരറ്റ് സ്വര്ണത്തിന്റെ വിലയിലും 15 രൂപയുടെ കുറവുണ്ട്. ഗ്രാമിന് 9,630 രൂപയും പവന് 77,040 രൂപയുമാണ് വില. വെള്ളിവില 170 രൂപയിലാണ്.
അമേരിക്കയില് യുഎസ് ഫെഡ് പലിശനിരക്ക് ഡിസംബറില് കുറയ്ക്കുമെന്ന ഊഹമാണ് കഴിഞ്ഞ ദിവസങ്ങളില് സ്വര്ണവിലയെ മുന്നോട്ടു നയിച്ചത്. പലിശനിരക്ക് കുറയ്ക്കുമ്പോള് നിക്ഷേപകര് സ്വഭാവികമായും സ്വര്ണം ഉള്പ്പെടെയുള്ള മറ്റ് നിക്ഷേപക മേഖലകളിലേക്ക് മാറും. ഇത് സ്വര്ണത്തിന്റെ ഡിമാന്ഡ് വലിയ തോതില് ഉയര്ത്താന് വഴിയൊരുക്കും.
ആഗോള വിപണികള് കഴിഞ്ഞ ദിവസങ്ങളില് ഉയര്ന്നു നിന്നതാകാം സ്വര്ണവിലയില് ഇന്ന് നേരിയ കുറവിന് വഴിയൊരുക്കിയതെന്ന നിഗമനം വരുന്നുണ്ട്. വരുംദിവസങ്ങളില് സ്വര്ണത്തിന് വലിയ കയറ്റത്തിന് സാധ്യതയില്ലെന്നാണ് വിലയിരുത്തല്.
ഇന്ന് ഒരു പവന് സ്വര്ണത്തിന്റെ വില 93,680 രൂപയാണെങ്കിലും മനസിനിണങ്ങിയ സ്വര്ണാഭരണം വാങ്ങാന് കൂടുതല് പണം കൊടുക്കേണ്ടി വരും. ഇന്നത്തെ വിലക്കൊപ്പം ഏറ്റവും കുറഞ്ഞത് അഞ്ച് ശതമാനം പണിക്കൂലി, സ്വര്ണത്തിനും പണിക്കൂലിക്കും മൂന്ന് ശതമാനം നികുതി, 45 രൂപ ഹാള്മാര്ക്ക് ചാര്ജ്, അതിന് 18 ശതമാനം നികുതി എന്നിവയും ചേര്ത്ത് 1,01,250 രൂപയാകും. എന്നാല് ആഭരണങ്ങളുടെ ഡിസൈന് അനുസരിച്ച് പണിക്കൂലിയിലും വ്യത്യാസമുണ്ടാകുന്നത് സ്വര്ണവിലയിലും പ്രതിഫലിക്കും.
Read DhanamOnline in English
Subscribe to Dhanam Magazine
