യുഎസ് ആസ്ഥാനമായ ലോകോത്തര ആഡംബര ഫാഷൻ ബ്രാൻഡാണ് കാൽവിൻ ക്ലെയിൻ. അവരുടെ പെർഫ്യൂമുകളെക്കുറിച്ച് നാം കേട്ടിട്ടുമുണ്ട്.
എന്നാൽ അധികമാർക്കും അറിയാത്ത ഒരു ഉപയോഗം ഈ പെർഫ്യൂമിനുണ്ട്. കടുവകൾക്ക് ഇതിനോട് വളരെ പ്രിയമാണത്രെ! അതും കാൽവിൻ ക്ലെയിൻ 'ഒബ്സെഷൻ ഫോർ മെൻ' എന്ന പ്രത്യേക ബ്രാൻഡിനോട്.
മഹാരാഷ്ട്രയിൽ അവനി എന്ന നരഭോജിക്കടുവയെ പിടികൂടാൻ തത്രപ്പെടുന്ന ഫോറസ്ററ് റേഞ്ചർമാർ ഈ തന്ത്രം ഒന്ന് പയറ്റിയാലോ എന്ന് ആലോചിക്കുകയുണ്ടായി. സെപ്റ്റംബർ മുതൽ 13 പേരെയെങ്കിലും ഈ പെൺകടുവ കൊന്നിട്ടുണ്ടെന്നാണ് കണക്കാക്കുന്നത്.
ഇതുവരെ കടുവയെ പിടിക്കാനുള്ള ശ്രമങ്ങളൊന്നും ഫലിച്ചിട്ടല്ല. ഇപ്പോൾ കടുവയെ കാണാൻ കൂടി കിട്ടുന്നില്ല എന്നാണ് റിപ്പോർട്ടുകൾ പറയുന്നത്. ഇതിനിടയിലാണ് കാൽവിൻ ക്ലെയിൻ പെർഫ്യൂം ഉപയോഗിച്ചാലോ എന്ന ആശയം ഒരു ഉദ്യോഗസ്ഥന്റെ തലയിലുദിച്ചത്.
2013 അമേരിക്കൻ ശാസ്ത്രജ്ഞർ ഈ പെർഫ്യൂമിനെ മണം കടുവകളെ ആകർഷിക്കാൻ പോന്നതാണെന്ന് തെളിയിച്ചിട്ടുണ്ട്. തമിഴ്‌നാട്ടിൽ ഇത്തരത്തിൽ ഒരു കടുവയെ പിടിച്ചിട്ടുമുണ്ടെന്ന് ചില റിപ്പോർട്ടുകൾ സൂചിപ്പിക്കുന്നു.
എന്തായാലും ആയുധമേന്തിയ റേഞ്ചർമാർ തോറ്റിടത്ത് പെർഫ്യൂം വിജയിക്കുമോ എന്ന് കാത്തിരുന്നു കാണാം.
Read DhanamOnline in English
Subscribe to Dhanam Magazine
