ഇന്ത്യയും യു.കെ യും തമ്മില് ഏര്പ്പെട്ട സ്വതന്ത്ര വ്യാപാര കരാര് (FTA) ഇരു രാജ്യങ്ങളും തമ്മിലുളള വ്യാപാരം വളരെയധികം ശക്തിപ്പെടുത്തുന്നതിന് ഉപകരിക്കുന്നതാണ്. ഇന്ത്യൻ കയറ്റുമതി ഉല്പ്പന്നങ്ങളുടെ 99 ശതമാനത്തിന്റെയും താരിഫ് കുറയ്ക്കുന്നതിന് കരാര് സഹായകമാണ്. ബ്രിട്ടീഷ് കമ്പനികൾക്ക് ഇന്ത്യയിലേക്ക് കാറുകൾ, മറ്റ് ഉൽപ്പന്നങ്ങൾ എന്നിവ കയറ്റുമതി ചെയ്യുന്നത് എളുപ്പമാക്കുന്നതിനും കരാര് ഇടയാക്കും.
എന്നാല് ചില പ്രത്യേക ഉല്പ്പന്നങ്ങള്ക്ക് ഇന്ത്യ ഒരു തീരുവ ഇളവും നൽകിയിട്ടില്ല എന്നതും ശ്രദ്ധേയമാണ്. വജ്രം, വെള്ളി, സ്മാർട്ട്ഫോണുകൾ, ഒപ്റ്റിക്കൽ ഫൈബറുകൾ തുടങ്ങിയ ഉല്പ്പന്നങ്ങള്ക്കാണ് ഇളവ് ഇല്ലാത്തത്.
ആഗോളതലത്തിൽ നാലാമത്തെ വലിയ ഓട്ടോമൊബൈൽ ഉൽപ്പാദക രാജ്യമാണ് ഇന്ത്യ. ശക്തമായ ഉൽപ്പാദന അടിത്തറ ഇന്ത്യക്ക് ഉണ്ടായിരുന്നിട്ടും, ആഗോളതലത്തിൽ വാഹന വിപണിയിൽ ഇന്ത്യയുടെ പങ്ക് വളരെ കുറവാണ്. ഇലക്ട്രിക് വാഹനങ്ങള് യുകെ വിപണിയിലേക്ക് എത്തുന്നത് ഇന്ത്യയുടെ ഓട്ടോ ഘടകങ്ങളുടെ കയറ്റുമതി സാധ്യത വർധിപ്പിക്കുന്നതാണ്. ഓട്ടോമോട്ടീവ് ഇറക്കുമതികളുടെ താരിഫ് 100 ശതമാനത്തിൽ നിന്ന് 10 ശതമാനമായാണ് താഴ്ത്തിയത്. ടാറ്റ-ജെഎൽആർ പോലുള്ള കമ്പനികൾക്ക് ഗുണം ചെയ്യുന്ന നീക്കമാണ് ഇത്. ഇന്ത്യൻ തുണിത്തരങ്ങൾ ഉൾപ്പെടെയുള്ള മറ്റ് വസ്തുക്കളുടെ ഇറക്കുമതിക്കുള്ള തീരുവ യുകെ ഒഴിവാക്കുന്നതാണ്.
2023-24 ൽ ബ്രിട്ടനിലേക്കുള്ള ഇന്ത്യയുടെ ചരക്ക് കയറ്റുമതി 12.92 ബില്യൺ ഡോളറായിരുന്നു, അതേസമയം ഇറക്കുമതി 8.41 ബില്യൺ ഡോളറായിരുന്നു. ഇറക്കുമതിയേക്കാള് കൂടുതല് കയറ്റുമതിയാണ് എന്നതിനാല് കരാര് ഇന്ത്യക്ക് ഗുണപരമാകുമെന്നാണ് വിലയിരുത്തുന്നത്.
കരാറിന്റെ ഭാഗമായി യു.കെ യിലെ ഇന്ത്യൻ തൊഴിലാളികളെ ദേശീയ ഇൻഷുറൻസ് സംഭാവനകളിൽ നിന്ന് ഒഴിവാക്കി. ബിസിനസ് സംബന്ധിയായ യാത്രകൾക്കുള്ള അംഗീകാര നടപടികള് കരാർ ലളിതമാക്കുന്നു, ഇത് കമ്പനികൾക്ക് സുഗമമായ പ്രവർത്തനങ്ങൾ നടത്താന് സഹായകമാണ്. യുകെയുടെ സമ്പദ്വ്യവസ്ഥയെ പ്രതിവർഷം 5 ബില്യൺ പൗണ്ട് വരെ ഉയർത്തുന്നതാണ് കരാര്. ബ്രെക്സിറ്റിന് ശേഷമുള്ള ഏറ്റവും പ്രധാനപ്പെട്ട വ്യാപാര കരാറായി ഇത് മാറുമെന്നാണ് യു.കെ വിലയിരുത്തുന്നത്.
India-UK FTA excludes tariff cuts on diamonds, silver, and smartphones, while benefiting textiles, automobiles, and business travel.
Read DhanamOnline in English
Subscribe to Dhanam Magazine
