സംസ്ഥാനത്ത് സ്വര്ണവില ഈ മാസത്തെ ഏറ്റവും ഉയര്ന്ന നിലയില്. പവന് ഇന്ന് കൂടിയത് 80 രൂപയാണ്. ഒരു പവന് സ്വര്ണത്തിന്റെ വില 73,440 രൂപയാണ്. ഇന്ന് ഒരു ഗ്രാമിന്റെ വിലയില് 10 രൂപയുടെ വര്ധനയാണ് രേഖപ്പെടുത്തിയത്. ഗ്രാമിന് 9,180 രൂപ. ലൈറ്റ് വെയിറ്റ് ആഭരണങ്ങള് നിര്മിക്കാന് ഉപയോഗിക്കുന്ന 18 കാരറ്റ് സ്വര്ണത്തിന്റെ വിലയില് 10 രൂപ കൂടി, ഗ്രാമിന് 7,530 രൂപ.
ജൂലൈ ഒന്പതിന് ഒരു പവന് സ്വര്ണത്തിന്റെ വില 72,000 രൂപയായിരുന്നു. പിന്നീട് ഓരോ ദിവസവും വില ഉയരുകയായിരുന്നു. വരും ദിവസങ്ങളിലും ചെറിയ തോതില് വില കൂടുമെന്നാണ് വ്യാപാരികള് പറയുന്നത്.
അടുത്ത മാസം വിവാഹ സീസണ് ആരംഭിക്കാനിരിക്കേ സ്വര്ണവിലയിലെ കയറ്റം കുടുംബങ്ങള്ക്ക് ആശങ്കയാകുന്നുണ്ട്. കല്യാണ ചെലവ് ഉയര്ത്തുന്നതില് സ്വര്ണവില നിര്ണായക പങ്കുവഹിക്കുന്നുണ്ട്. വില അടിക്കടി ഉയര്ന്നതോടെ മുന്കൂര് ബുക്കിംഗിലേക്ക് ഉപയോക്താക്കള് മാറിയിട്ടുണ്ട്.
ഇന്ന് ഒരു പവന് സ്വര്ണത്തിന്റെ വില 73,440 രൂപയാണെങ്കിലും ഇതേ തൂക്കത്തിലുള്ള സ്വര്ണാഭരണം വാങ്ങാന് ഇതിലുമേറെ കൊടുക്കേണ്ടി വരും. കുറഞ്ഞത് അഞ്ച് ശതമാനം പണിക്കൂലിയും നികുതിയും ഹാള്മാര്ക്കിംഗ് ചാര്ജും ചേര്ത്ത് ഒരു പവന് സ്വര്ണാഭരണത്തിന് 79,478 രൂപയ്ക്ക് മുകളില് നല്കേണ്ടി വരും. ആഭരണത്തിന്റെ ഡിസൈന് മാറുന്നതനുസരിച്ച് വിലയിലും മാറ്റമുണ്ടാകുമെന്ന് മറക്കരുത്.
Read DhanamOnline in English
Subscribe to Dhanam Magazine
