സംസ്ഥാനത്ത് സ്വര്‍ണവിലയില്‍ കുറച്ചുദിവസത്തെ ഇടിവിനൊടുവില്‍ വലിയ കുതിപ്പ്. ഇന്ന് ഒറ്റദിവസം കൊണ്ട് ഒരു പവനില്‍ 600 രൂപയാണ് കൂടിയത്. പവന് വില 71,560 രൂപയില്‍ നിന്ന് 72,160ലേക്കാണ് ഇന്ന് ഉയര്‍ന്നത്. ഗ്രാം വിലയില്‍ 75 രൂപയുടെ വര്‍ധനവും ഇന്ന് രേഖപ്പെടുത്തി. ഇന്നത്തെ വില 9,020 രൂപയാണ്. ജൂണ്‍ ആറിനു ശേഷമുള്ള ഉയര്‍ന്ന സ്വര്‍ണവിലയാണ് ഇന്നത്തേത്.
ലൈറ്റ് വെയിറ്റ് ആഭരണങ്ങള്‍ നിര്‍മിക്കാന്‍ ഉപയോഗിക്കുന്ന 18 കാരറ്റ് സ്വര്‍ണത്തിന്റെ വിലയിലും ഇന്ന് മാറ്റമുണ്ട്. ഗ്രാമിന് 60 രൂപ വര്‍ധിച്ച് 7,400 രൂപയായി. 22 കാരറ്റ് സ്വര്‍ണത്തിന്റെ വില വര്‍ധിക്കുമ്പോള്‍ 18 കാരറ്റിന്റെ വില ഉയരുന്ന പ്രവണത കുറച്ചു കാലങ്ങളായി ദൃശ്യമാണ്. വെള്ളിവില 2 രൂപ വര്‍ധിച്ച് 115 രൂപയിലാണ്. ഏപ്രില്‍ 22ന് പവന് 74,320 രൂപ വരെ ഉയര്‍ന്നതാണ് സംസ്ഥാനത്തെ കൂടിയ സ്വര്‍ണവില.
ഇന്ന് ഒരു പവന് സ്വര്‍ണത്തിന്റെ വില 72,160 രൂപയാണ്. പക്ഷേ ഈ വിലയ്ക്ക് ഒരു പവന് ആഭരണം സ്വന്തമാക്കാനാകില്ല. ഇന്നത്തെ വിലക്കൊപ്പം ഏറ്റവും കുറഞ്ഞത് അഞ്ച് ശതമാനം പണിക്കൂലി, സ്വര്‍ണത്തിനും പണിക്കൂലിക്കും മൂന്ന് ശതമാനം നികുതി, 45 രൂപ ഹാള്‍മാര്‍ക്ക് ചാര്‍ജ്, അതിന് 18 ശതമാനം നികുതി എന്നിവയും ചേര്‍ത്ത് കൃത്യമായി പറഞ്ഞാല്‍ 82,000 രൂപയ്ക്ക് മുകളിലാകും. ആഭരണങ്ങളുടെ ഡിസൈന്‍ അനുസരിച്ച് പണിക്കൂലിയിലും വ്യത്യാസമുണ്ടാകുമെന്ന് മറക്കരുത്. ഇത് സ്വര്‍ണവിലയിലും പ്രതിഫലിക്കും.
ജൂണ്‍ 01: 71,360
ജൂണ്‍ 02: 71,600 (രാവിലെ)
ജൂണ്‍ 02: 72,480 (വൈകുന്നേരം)
ജൂണ്‍ 03: 72,640
ജൂണ്‍ 04: 72,720
ജൂണ്‍ 05: 73,040
ജൂണ്‍ 06: 73,040
ജൂണ്‍ 07: 71,840
ജൂണ്‍ 08: 71,840
ജൂണ്‍ 09: 71,640
ജൂണ്‍ 10: 71,560
ജൂണ്‍ 11: 72,160
Read DhanamOnline in English
Subscribe to Dhanam Magazine
