Begin typing your search above and press return to search.
വടക്കന്‍ കേരളത്തിലെ ആദ്യ ഫുഡ്ടെക്, ഹോട്ടല്‍ടെക് പ്രദര്‍ശനം കോഴിക്കോട്ട്
കാലിക്കറ്റ് ട്രേഡ് സെന്ററില്‍ മെയ് 20 മുതല്‍ 22 വരെയാണ് പ്രദര്‍ശനം
ഫുഡ്ടെക് കേരളയും ഹോട്ടല്‍ടെക് കേരളയും സംഘടിപ്പിക്കുന്ന വടക്കന്‍ കേരളത്തിലെ ആദ്യ പ്രദര്‍ശനം കോഴിക്കോട്ട് കാലിക്കറ്റ് ട്രേഡ് സെന്ററില്‍ മെയ് 20 മുതല്‍ 22 വരെ നടക്കും. മൂന്നു ദിവസമായി നടക്കുന്ന പ്രദര്‍ശനത്തില്‍ ഭക്ഷ്യസംസ്‌കരണ മെഷീനറികള്‍, പാക്കേജിംഗ് ഉപകരണങ്ങള്‍, ഭക്ഷ്യച്ചേരുവ നിര്‍മാതാക്കള്‍, ഹോട്ടല്‍-ബേക്കറി ഉപകരണങ്ങള്‍, ലിനന്‍, ഫര്‍ണിഷിംഗ്സ്, ഹോട്ടല്‍വെയര്‍, അടുക്കള ഉപകണങ്ങള്‍, ക്ലീനിംഗ് ഉപകരണങ്ങള്‍, മറ്റു അനുബന്ധ ഉല്‍പ്പന്നങ്ങള്‍, സേവനങ്ങള്‍ എന്നീ മേഖലകളില്‍ നിന്നായി 50-ലേറെ സ്ഥാപനങ്ങള്‍ പങ്കെടുക്കും. രാവിലെ 11 മുതല്‍ രാത്രി 8 മണി വരെയാണ് പ്രദര്‍ശനസമയം.
കൊച്ചിയില്‍ വര്‍ഷങ്ങളായി നടന്നു വരുന്ന അതേ വ്യാപ്തിയോടെത്തന്നെയാണ് കോഴിക്കോട്ട് രണ്ട് പ്രദര്‍ശനങ്ങളും സംഘടിപ്പിക്കുന്നതെന്നും ഈ മേഖലകളില്‍ പ്രവര്‍ത്തിക്കുന്നവര്‍ക്ക് ഈ ഇരട്ട പ്രദര്‍ശനം ഏറെ ഉപകാരപ്രദമാകുമെന്നും സംഘാടകരായ ക്രൂസ് എക്സ്പോസ് ഡയറക്ടര്‍ ജോസഫ് കുര്യാക്കോസ് പറഞ്ഞു.
സംസ്ഥാന വ്യവസായ, വാണിജ്യ വകുപ്പ് സ്പോണ്‍സര്‍ ചെയ്യുന്ന ഇന്‍ഡസ്ട്രിയല്‍ പവലിയനാകും മേളയുടെ ആകര്‍ഷണങ്ങളിലൊന്ന്. ഇരുപതോളം എസ്എംഇ യൂണിറ്റുകള്‍ ഈ വിഭാഗത്തില്‍ പങ്കെടുക്കും. കേരള ബ്യൂറോ ഓഫ് ഇന്‍ഡസ്ട്രിയല്‍ പ്രൊമോഷന്‍ (കെ-ബിപ്), കോഫി ബോര്‍ഡ്, നാളികേര വികസന ബോര്‍ഡ്, ടൂറിസം വകുപ്പ്, മലബാര്‍ ടൂറിസം സൊസൈറ്റി, ഗ്രേറ്റര്‍ മലബാര്‍ ഇനിഷ്യേറ്റീവ്, ബേക്, കെഎച്ച്ആര്‍എ, കോണ്‍ഫെഡറേഷന്‍ ഓഫ് ഓള്‍ ഇന്ത്യാ ട്രേഡേഴ്സ്-കേരളാ ചാപ്റ്റര്‍ (സിഎഐടി) എന്നീ സ്ഥാപനങ്ങളുടെ പിന്തുണയും അംഗീകാരവും പ്രദര്‍ശനങ്ങള്‍ക്കുണ്ട്.
(Press Release)
Next Story
Videos