സംസ്ഥാനത്ത് നാളെ രാവിലെ ആറു മണി മുതല് വൈകിട്ട് ആറു വരെ ഹര്ത്താലിന് ആഹ്വാനം ചെയ്ത് പോപ്പുലര് ഫ്രണ്ട്. പോപ്പുലര് ഫ്രണ്ട് നേതാക്കളുടെ അറസ്റ്റില് പ്രതിഷേധിച്ചാണ് ഹര്ത്താല്. പിഎഫ്ഐ ദേശീയ ചെയര്മാന് ഒഎംഎ സലാം, ദേശീയ ജനറല് സെക്രട്ടറി നറുദ്ദീന് എളമരം എന്നിവരുള്പ്പെടെയുള്ള നേതാക്കളുടെ അറസ്റ്റാണ് ഇന്ന് ഇഡി രേഖപ്പെടുത്തിയത്. കസ്റ്റഡിയിലെടുത്ത 22 പേരില് എട്ട് പേരുടെ അറസ്റ്റ് ആദ്യം രേഖപ്പെടുത്തിയിരുന്നു.
പിഎഫ്ഐ ദേശീയ ചെയര്മാന് ഒഎംഎ സലാം, ദേശീയ ജനറല് സെക്രട്ചടറി നലറുദ്ദീന് എളമരം, ദേശീയ വൈസ് ചെയര്മാന് ഇ എം അബ്ദുറഹ്മാന്, ദേശീയ സമിതിയംഗം പ്രൊഫ. പി കോയ, സംസ്ഥാന പ്രസിഡന്റ് സിപി മുഹമ്മദ് ബഷീര്, സംസ്ഥാന സമിതിയംഗം യഹിയാ തങ്ങള്, എസ്ഡിപിഐ സംസ്ഥാന സെക്രട്ടറി പി കെ ഉസ്മാന് വിവിധ ജില്ലകളിലെ ജില്ലാ ഭാരവാഹികള് എന്നിവരടക്കമുള്ള 22 നേതാക്കളെയാണ് കേരളത്തില് നിന്ന് അറസ്റ്റ് ചെയ്തത്. രാജ്യവ്യാപകമായി നടക്കുന്ന റെയ്ഡില് 106 പേരുടെ അറസ്റ്റ് എന്ഐഎ രേഖപ്പെടുത്തിയത്.
22ല് 13 പേരെ കൊച്ചിയിലെ എന്ഐഎ ഓഫീസില് നിന്ന് ഡല്ഹിയിലേക്ക് കൊണ്ടുപോകും. മറ്റുള്ളവരെ ഇതിനോടകം ഡല്ഹിയിലേക്ക് കൊണ്ടുപോയെന്നാണ് വിവരം. ഇവരെ ഉടന് കോടതിയില് ഹാജരാക്കും. വൈദ്യപരിശോധനയ്ക്കായി ഡോക്ടര്മാരുടെ സംഘത്തെയും കൊച്ചിയിലെ എന്ഐഎ ഓഫീസില് എത്തിച്ചിട്ടുണ്ട്.
കേരളം കൂടാതെ തമിഴ്നാട്, കര്ണാടക, തെലങ്കാന, ആന്ധ്രാപ്രദേശ്, ഉത്തര്പ്രദേശ്, ബിഹാര്, ഡല്ഹി തുടങ്ങി വിവിധ സംസ്ഥാനങ്ങളില് നൂറോളം ഇടങ്ങളിലായിരുന്നു എന്ഫോഴ്സ്മെന്റ് ഡയറക്ടറേറ്റിന്റെ സഹകരണത്തോടെ എന്ഐഎ റെയ്ഡ് നടത്തി. തിരുവനന്തപുരം, കോട്ടയം, പത്തനംതിട്ട, മലപ്പുറം, തൃശൂര്, കണ്ണൂര്, കോഴിക്കോട് എന്നീ ജില്ലകളിലായിരുന്നു പുലര്ച്ചെ കേന്ദ്ര അന്വേഷണം ഏജന്സിയുടെ റെയ്ഡ്. നേതാക്കളുടെ വീട്ടില് നടന്ന റെയ്ഡില് ലാപ്ടോപ്പുകളും മൊബൈല് ഫോണുകളും പിടിച്ചെടുത്തു. കേന്ദ്രസേനയുടെ സുരക്ഷയോടെയാണ് റെയ്ഡ് നടന്നത്.
പോപ്പുലര്ഫ്രണ്ട് നേതാക്കള്ക്ക് ഐക്ദാര്ഢ്യവുമായി ബസ് ഓണേഴ്സ് അസോസിയേഷനുകളും വ്യാപാരവ്യവസായി സംഘടനകളും ഇതുവരെ പരസ്യപ്രസ്താവന പുറപ്പെടുവിച്ചിട്ടില്ല. കെഎസ്ആര്ടിസി ബസുകള് പ്രവര്ത്തിക്കുമെന്നാണ് ഇതുവരെയുള്ള വിവരം(sep 22- 4.30).
(This is a developing news )
Read DhanamOnline in English
Subscribe to Dhanam Magazine
