ഇന്ത്യന് ടെലികോം വമ്പന്മാരായ റിലയന്സ് ജിയോയുടെ പ്രാഥമിക ഓഹരി വില്പന (IPO) ഈ വര്ഷം ഉണ്ടായേക്കില്ല. മുന്നിശ്ചയിച്ച പ്രകാരം ഓഹരി വില്പന 2025ല് നടന്നേക്കില്ലെന്ന് റോയിട്ടേഴ്സ് റിപ്പോര്ട്ട് ചെയ്തിരിക്കുന്നത്. വിപണിയുടെ ചാഞ്ചാട്ട രീതികളാണ് റിലയന്സിനെ മാറിചിന്തിക്കാന് പ്രേരിപ്പിച്ചതെന്നാണ് റിപ്പോര്ട്ട്.
രാജ്യത്തെ ഏറ്റവും വലിയ ഓഹരി വില്പനകളിലൊന്നായി റിലയന്സ് ജിയോയുടെ മാറുമെന്നാണ് കണക്കാക്കുന്നത്. അഞ്ചുവര്ഷത്തിനകം ഓഹരി വിപണിയില് നിന്ന് പണം കണ്ടെത്താന് 2019ല് കമ്പനി തീരുമാനമെടുത്തിരുന്നു.
ഈ വര്ഷം ഓഹരി വില്പന ഉണ്ടാകുമെന്ന് കമ്പനി നേരത്തെ സൂചന നല്കിയിരുന്നു. എന്നാല്, ഇന്ത്യ-പാക് സംഘര്ഷവും മിഡില് ഈസ്റ്റിലെ യുദ്ധവും തീരുമാനത്തില് നിന്ന് പിന്തിരിയാന് റിലയന്സിനെ പ്രേരിപ്പിച്ചെന്നാണ് റിപ്പോര്ട്ട്. 100 ബില്യണ് ഡോളറില് മുകളിലാണ് റിലയന്സ് ജിയോയുടെ മൂല്യം കണക്കാക്കുന്നത്.
പ്രാഥമിക ഓഹരി വില്പനയിലേക്ക് കടക്കും മുമ്പ് കമ്പനിയുടെ അടിത്തറ കൂടുതല് വിപുലമാക്കാനാണ് റിലയന്സിന്റെ തീരുമാനമെന്ന് റിപ്പോര്ട്ടില് പറയുന്നു. ഉപയോക്താക്കളുടെ വ്യാപ്തി വര്ധിപ്പിക്കല്, വരുമാനം ഉയര്ത്തല്, മറ്റ് അനുബന്ധ ഡിജിറ്റല് സര്വീസുകള് മെച്ചപ്പെടുത്തല് എന്നിവയെല്ലാം റിലയന്സ് ലക്ഷ്യമിടുന്നുണ്ട്.
റിലയന്സ് ജിയോ പ്ലാറ്റ്ഫോമിന്റെ വരുമാനത്തിന്റെ 80 ശതമാനവും ടെലികോം മേഖലയില് നിന്നാണ് വരുന്നത്. അടുത്തിടെ ടെലികോം താരിഫ് നിരക്കുകള് വര്ധിച്ചത് റിലയന്സിന് തിരിച്ചടിയായിരുന്നു. വരിക്കാരുടെ എണ്ണം കുറയാന് ഇതു കാരണമായി.
റിലയന്സ് ഇന്ഡസ്ട്രീസിന്റെ കീഴിലുള്ള റിലയന്സ് റീട്ടെയ്ല് ഐപിഒയും വൈകുമെന്നാണ് സൂചന. 2028ന് മുമ്പ് റീട്ടെയ്ല് ഐപിഒ നടന്നേക്കില്ലെന്നാണ് വിവരം. പ്രതീക്ഷിച്ച വരുമാനം റീട്ടെയ്ല് ഔട്ട്ലെറ്റുകളില് നിന്ന് വരാത്തതാണ് കാരണം.
Read DhanamOnline in English
Subscribe to Dhanam Magazine
