പുതിയ കോര്‍പ്പറേറ്റ് ഓഫീസ് തുറന്ന് സോമന്‍സ് ഗ്രൂപ്പ്
ഒറ്റയ്ക്ക് യാത്ര ചെയ്യുന്ന വനിതകള്‍ക്കുള്ള സോളോ വിഭാഗത്തിനും തുടക്കമായി
സോമന്‍സ് ഗ്രൂപ്പിന്റെ പുതിയ കോര്‍പ്പറേറ്റ് ഓഫീസ് സന്തോഷ് ജോര്‍ജ് കുളങ്ങര ഉദ്ഘാടനം ചെയ്യുന്നു. സോമന്‍സ് ഗ്രൂപ്പ് എംഡി എം കെ സോമന്‍, ഡയറക്ടര്‍ ജീന, സഞ്ചാരി- മോഹന വിജയന്‍ എന്നിവര്‍ സമീപം
ഔട്ട്ബൗണ്ട് യാത്രാരംഗത്ത് 26 വര്‍ഷം പൂര്‍ത്തിയാക്കിയ സോമന്‍സ് ഗ്രൂപ്പിന്റെ പുതിയ കോര്‍പ്പറേറ്റ് ഓഫീസ് തുറന്നു. സന്തോഷ് ജോര്‍ജ് കുളങ്ങരയാണ് കൊച്ചി പാലാരിവട്ടത്തെ സാനിയ ടവറില്‍ പ്രവര്‍ത്തനമാരംഭിച്ച കോര്‍പ്പറേറ്റ് ഓഫീസിന്റെ ഉദ്ഘാടനം നിര്‍വഹിച്ചിരിക്കുന്നത്. ജപ്പാന്‍ ടൂര്‍ മോഹം ബാക്കിവെച്ച് നിര്യാതനായ സഞ്ചാരിയും റെസ്റ്റോറന്റ് ഉടമയുമായിരുന്ന വിജയന്റെ ഭാര്യ മോഹന വിജയനെ സോമന്‍സിന്റെ 2023 മാര്‍ച്ച് 23-ന് പുറപ്പെടുന്ന ജപ്പാന്‍ ടൂറില്‍ പൂര്‍ണ ചെലവുകള്‍ വഹിച്ച് കൊണ്ടുപോകുന്നതിനുള്ള ചെറി ബ്ലോസം പാക്കേജ് ചടങ്ങില്‍ സന്തോഷ് ജോര്‍ജ് കുളങ്ങര മോഹന വിജയനു കൈമാറി.