വരിക്കാരെ ചേര്ക്കുന്നതിന് ആധാര് അധിഷ്ഠിത വെരിഫിക്കേഷന് നടത്താന് അമേരിക്കന് കമ്പനിയായ സ്റ്റാര് ലിങ്കിന് കേന്ദ്രസര്ക്കാറിന്റെ അനുമതി. യുണീക് ഐഡന്റിഫിക്കേഷന് അതോറിട്ടി ഓഫ് ഇന്ത്യയില് നിന്നുള്ള ആധാര് വിവരങ്ങളുടെ അടിസ്ഥാനത്തിലാണ് ഉപയോക്താവിന്റെ കെ.വൈ.സി വെരിഫിക്കേഷന് നടപടി പൂര്ത്തിയാക്കുക. ഇന്ത്യയില് പ്രവര്ത്തിക്കുന്ന വിവിധ ടെലികോം കമ്പനികളും ഈ രീതിയിലാണ് കെ.വൈ.സി വെരിഫിക്കേഷന് നടപടി പൂര്ത്തിയാക്കുന്നത്.
ഇന്ത്യയുടെ വിശ്വസനീയ ഡിജിറ്റൽ ഐഡന്റിറ്റി സംവിധാനം ആഗോള ഉപഗ്രഹ സാങ്കേതികവിദ്യയുമായി കൈകോർക്കുക എന്നതാണ് ഈ പങ്കാളിത്തത്തിലൂടെ ഉദ്ദേശിക്കുന്നതെന്ന് ഇലക്ട്രോണിക്സ് & ഐടി മന്ത്രാലയം വ്യക്തമാക്കി. ഉപയോഗിക്കാനുള്ള എളുപ്പവും സൗകര്യവും കാരണം ആധാറിന്റെ മുഖം തിരിച്ചറിയൽ സവിശേഷത സുഗമമായി പ്രവര്ത്തിക്കുമെന്നാണ് വിലയിരുത്തുന്നത്. ആധാർ ഇ-കെവൈസി സുഗമമാക്കുന്നതിലൂടെ ഉപയോക്താക്കളുടെ തടസമില്ലാത്ത ഓൺബോർഡിംഗ് നടപ്പാക്കാന് സാധിക്കും. വീടുകൾ, ബിസിനസുകൾ, സ്ഥാപനങ്ങൾ എന്നിവയ്ക്ക് അതിവേഗ ഇന്റർനെറ്റ് നൽകി നിയന്ത്രണ ആവശ്യകതകൾ പാലിക്കുന്നുണ്ടെന്ന് സ്റ്റാര്ലിങ്ക് ഉറപ്പാക്കുന്നതാണ്.
ഒരു ആഗോള ഉപഗ്രഹ ഇന്റർനെറ്റ് ദാതാവിന്റെ ആധാർ പ്രാമാണീകരണം ഇന്ത്യയുടെ ഡിജിറ്റൽ ഇൻഫ്രാസ്ട്രക്ചറിന്റെ വിശ്വാസ്യത തെളിയിക്കുന്നതാണെന്നും മന്ത്രാലയം പറഞ്ഞു. ഇലോൺ മസ്കിന്റെ നേതൃത്വത്തിലുള്ള കമ്പനിക്ക് ഇന്ത്യയിൽ ഉപഗ്രഹ അധിഷ്ഠിത ഇന്റർനെറ്റ് സേവനങ്ങൾ ആരംഭിക്കുന്നതിന് അനുമതി ലഭിച്ചതായി കേന്ദ്ര ടെലികോം മന്ത്രി ജ്യോതിരാദിത്യ സിന്ധ്യ ഓഗസ്റ്റ് 1 ന് സ്ഥിരീകരിച്ചിരുന്നു. സ്റ്റാർലിങ്കിന് ടെലികമ്മ്യൂണിക്കേഷൻ വകുപ്പ് (DoT) ഏകീകൃത ലൈസൻസ് നൽകിയിട്ടുണ്ടെന്നും സിന്ധ്യ അറിയിച്ചു.
UIDAI partners with Elon Musk’s Starlink to speed up Aadhaar e-KYC using satellite technology.
Read DhanamOnline in English
Subscribe to Dhanam Magazine
