യുഎല് സൈബര്പാര്ക്കില് ആദ്യത്തെ ഇന്ഡസ്ട്രി ഡിമാന്ഡ് ഡേ സംഘടിപ്പിച്ച് ഡോ. മൂപ്പന്സ് എഐ ആന്ഡ് റോബോട്ടിക്സ് സെന്റര്. വ്യവസായ നവീകരണത്തിലും പ്രശ്നപരിഹാരത്തിലും വിദ്യാര്ത്ഥികളുടെ നേതൃത്വത്തിലുള്ള സഹകരണം പ്രോത്സാഹിപ്പിക്കുന്നതിനായി വ്യവസായ പ്രമുഖരെയും പണ്ഡിതന്മാരെയും ഇന്നൊവേഷന് പങ്കാളികളെയും ഒരുമിച്ച് കൊണ്ടുവന്നതായിരുന്നു പരിപാടി.
50ലധികം ഓട്ടോമേഷന്, സാങ്കേതിക വെല്ലുവിളികളെ കുറിച്ച് 30ലധികം കമ്പനികള് പരിപാടിയുടെ ഭാഗമായി വിവരങ്ങള് പങ്കുവെച്ചു. വരാനിരിക്കുന്ന സംസ്ഥാനതല സ്റ്റുഡന്റ് ഹാക്കത്തോണിന്റെ മുന്നോടിയായിട്ടാണ് ഈ പരിപാടി നടത്തിയത്.
ആസ്റ്റര് ഡിഎം ഹെല്ത്ത്കെയര് സ്ഥാപക ചെയര്മാന് ഡോ. ആസാദ് മൂപ്പന്, സാഫി ഗ്രൂപ്പ് ഓഫ് ഇന്സ്റ്റിറ്റിയൂഷന്സ് സിഇഒ പ്രൊഫ. ഇ.പി. ഇമ്പിച്ചിക്കോയ, ഡയറക്ടര് കേണല് നിസാര് അഹമ്മദ് സീതി, സാഫി ജനറല് സെക്രട്ടറി സി. എസ്. മെഹബൂബ് എം.എ, പ്രോജക്ട് കണ്സള്ട്ടന്റ് സന്തോഷ് കുറുപ്പ് എന്നിവര് ചടങ്ങില് പ്രസംഗിച്ചു.
Read DhanamOnline in English
Subscribe to Dhanam Magazine
