2026-27 സാമ്പത്തിക വർഷത്തേക്കുള്ള കേന്ദ്ര ബജറ്റ് ഫെബ്രുവരി ഒന്നിന് അവതരിപ്പിക്കും. സാധാരണയായി പ്രവൃത്തിദിവസങ്ങളിൽ ബജറ്റ് അവതരിപ്പിക്കാറുള്ള പതിവിൽ നിന്ന് വ്യത്യസ്തമായി, ഇത്തവണ ഞായറാഴ്ചയാണ് ബജറ്റ് പ്രഖ്യാപനം നടക്കുന്നത് എന്നത് ശ്രദ്ധേയമാണ്. പാർലമെന്റിന്റെ ബജറ്റ് സമ്മേളനം ജനുവരി 28 ന് രാഷ്ട്രപതി ദ്രൗപദി മുർമുവിന്റെ അഭിസംബോധനയോടെ ആരംഭിക്കും.
രാജ്യത്തിന്റെ സാമ്പത്തിക സ്ഥിതിയെക്കുറിച്ചുള്ള വ്യക്തമായ ചിത്രം നൽകുന്ന സാമ്പത്തിക സർവേ (Economic Survey) ജനുവരി 29ന് പാർലമെന്റിൽ വെക്കും. ധനമന്ത്രി നിർമ്മല സീതാരാമൻ തുടർച്ചയായി ഒമ്പതാം തവണയാണ് ബജറ്റ് അവതരിപ്പിക്കുന്നത്. ഫെബ്രുവരി 13 വരെയാണ് സമ്മേളനത്തിന്റെ ആദ്യ ഘട്ടം. തുടർന്ന് ഒരു മാസത്തെ ഇടവേളയ്ക്ക് ശേഷം മാർച്ച് 9 ന് സഭ വീണ്ടും ചേരുകയും ഏപ്രിൽ 2 ന് സമ്മേളനം സമാപിക്കുകയും ചെയ്യും.
ആഗോളതലത്തിലെ സാമ്പത്തിക പ്രതിസന്ധികളും ഭൗമരാഷ്ട്രീയ സംഘർഷങ്ങളും നിലനിൽക്കുന്ന പശ്ചാത്തലത്തിൽ അവതരിപ്പിക്കപ്പെടുന്ന ഈ ബജറ്റിനെ നിക്ഷേപകരും സാധാരണക്കാരും ഏറെ ആകാംക്ഷയോടെയാണ് ഉറ്റുനോക്കുന്നത്. ആദായനികുതി ഇളവുകൾ, അടിസ്ഥാന സൗകര്യ വികസനം, ഇൻഷുറൻസ് മേഖലയിലെ പരിഷ്കാരങ്ങൾ എന്നിവയിൽ നിർണായക പ്രഖ്യാപനങ്ങൾ ഈ ബജറ്റിലുണ്ടാകുമെന്ന് പ്രതീക്ഷിക്കപ്പെടുന്നു.
Union Budget 2026 to be presented on February 1 with expected tax reliefs and insurance sector reforms.
Read DhanamOnline in English
Subscribe to Dhanam Magazine
