പഴയകാല വസ്ത്രവും നിറങ്ങളും പശ്ചാത്തലവും ചേര്ത്ത് സ്വന്തം ചിത്രം 1980കളിലെ ഫോട്ടോയാക്കി മാറ്റുന്ന AI ട്രെന്ഡ് സോഷ്യല് മീഡിയയില് തരംഗമാണ്. എന്നാല് ചിത്രം എവിടെയാണ് അപ്ലോഡ് ചെയ്യുന്നതെന്ന് പരിശോധിക്കാതെ ട്രെന്ഡില് ചേരരുതെന്നാണ് ഡല്ഹി പൊലീസിന്റെ മുന്നറിയിപ്പ്.
അപരിചിതമായ AI ടൂളുകളില് നല്കുന്ന ചിത്രങ്ങള് വ്യാജ പ്രൊഫൈലുകള് സൃഷ്ടിക്കാനും ബ്ലാക്ക്മെയിലിനും സൈബര് തട്ടിപ്പിനും ദുരുപയോഗം ചെയ്യപ്പെടാമെന്ന് ഡല്ഹി പൊലീസ് ഔദ്യോഗിക ഫേസ്ബുക്ക് പോസ്റ്റില് മുന്നറിയിപ്പ് നല്കി. കൗതുകം തോന്നിക്കുന്ന ഫോട്ടോ ഫില്റ്ററിന്റെ പേരില് ലഭിക്കുന്ന അജ്ഞാത ലിങ്കുകളിലും ജാഗ്രത വേണമെന്ന് പൊലീസ് പറയുന്നു.
AI ചിത്രം തയ്യാറാക്കാന് ഉപയോഗിക്കുന്ന സേവനം ഏതാണെന്ന് ഉറപ്പാക്കുക. പരിചയമില്ലാത്ത വെബ്സൈറ്റിലോ ആപ്പിലോ സ്വകാര്യ ചിത്രം അപ്ലോഡ് ചെയ്യുന്നതും സോഷ്യല് മീഡിയയില് വരുന്ന ക്രമരഹിതമായ 'ഫോട്ടോ ഫില്റ്റര്' ലിങ്കുകള് തുറക്കുന്നതും ഒഴിവാക്കണമെന്ന് പൊലീസിന്റെ മുന്നറിയിപ്പ് വ്യക്തമാക്കുന്നു. സൈബര് തട്ടിപ്പിന് ഇരയായാല് 1930 എന്ന ഹെല്പ്ലൈനിലോ cybercrime.gov.in (https://cybercrime.gov.in/) വഴിയോ പരാതി നല്കാം.
Read DhanamOnline in English
Subscribe to Dhanam Magazine
