സൗദി അറേബ്യയില് സ്ഥിര താമസത്തിനുള്ള പ്രീമിയം റസിഡന്സി കാര്ഡ് ലഭിക്കുന്ന ആദ്യത്തെ ഇന്ത്യാക്കാരനായി പ്രമുഖ പ്രവാസി വ്യവസായിയും ലുലു ഗ്രൂപ്പ് ചെയര്മാനുമായ എം.എ.യൂസഫലി. നേരത്തെ യു.എ.ഇ.യുടെ ആദ്യത്തെ സ്ഥിരതാമസാനുമതിയും യൂസഫലിക്കാണ് ലഭിച്ചത്.
വന്കിട നിക്ഷേപര്ക്കും മികച്ച പ്രതിഭകള്ക്കും നല്കുന്ന ആജീവനാന്ത താമസരേഖയാണ് പ്രീമിയം റസിഡന്സി കാര്ഡ്. രാജ്യത്തേക്ക് ആഗോള നിക്ഷേപകരെ കൂടുതലായി ആകര്ഷിക്കുന്നതിനായി കിരീടാവകാശി മുഹമ്മദ് ബിന് സല്മാനാണ് ഈ പദ്ധതിക്ക് രൂപം കൊടുത്തത്. പ്രീമിയം റസിഡന്സി ലഭിക്കുന്ന സൗദി പൗരന്മാരല്ലാത്തവര്ക്ക് രാജ്യത്ത് സ്പോണ്സര് ഇല്ലാതെ തന്നെ വ്യവസായം ചെയ്യാനും പുണ്യനഗരങ്ങളായ മക്കയിലും മദീനയിലുമടക്കം വസ്തുവകകള് വാങ്ങിക്കുവാനും സാധിക്കും.
പ്രവാസികള്ക്കുള്ള ബഹുമതിയായാണ് ഇതിനെ കാണുന്നതെന്ന് എം.എ.യൂസഫലി പറഞ്ഞു. 3000 ല്പരം സ്വദേശികള് ജോലി ചെയ്യുന്ന ലുലുവിന് സൗദിയിലെ വിവിധ ഭാഗങ്ങളിലായി 17 ഹൈപ്പര്മാര്ക്കറ്റുകളുണ്ട്. എണ്ണ കമ്പനിയായ അരാംകോയുടെ 12 കൊമ്മിസറികളുടെയും ദേശീയ സുരക്ഷാ വിഭാഗമായ നാഷണല് ഗാര്ഡിന്റെ 8 മിനിമാര്ക്കറ്റുകളുടെയും നടത്തിപ്പ് ചുമതലയും ലുലുവിനാണ്.
ഡെയ്ലി ന്യൂസ് അപ്ഡേറ്റുകള്, Podcasts, Videos എന്നിവ നിങ്ങളുടെ ഫോണിൽ ലഭിക്കാൻ join Dhanam Telegram Channel – https://t.me/dhanamonline
Read DhanamOnline in English
Subscribe to Dhanam Magazine
