ഇപിഎഫ്ഓയുടെ ഇടപാടുകള് എല്ലാം കൃത്യമായി നടക്കണമെങ്കില് വളരെ പ്രധാനമാണ്. UAN നമ്പര് (Universal Account Number or UAN is a 12-digit identification number) ഉപയോഗിച്ചാണ് ഒരാള് തന്റെ തൊഴില് ചെയ്യു്നന കാലം മുഴുവനുമുള്ള പിഎഫ് ആനുകൂല്യങ്ങള് കൃത്യമാക്കി വയ്ക്കുക.
ഒരു സ്ഥാപനത്തില് ഇരുപതോ അതിലധികമോ ജീവനക്കാര് ഉള്ളപ്പോള് തൊഴിലുടമ ജീവനക്കാര്ക്ക് യു എ എന് നമ്പര് നല്കണമെന്നും പ്രൊവിഡന്റ് ഫണ്ട് അനുവദിക്കണമെന്നതും നിയമമാണ്. അതു പോലെ പുതിയ ജോലിസ്ഥലത്തേക്ക് മാറുന്ന ജീവനക്കാരന് അവരുടെ യു എ എന് തൊഴില് ദാതാവിന് നല്കുകയും വേണം.
യു എ എന് ഉപയോഗിച്ച് ഇപിഎഫ്ഒ അംഗങ്ങള്ക്ക് അവരുടെ പ്രൊവിഡന്റ് ഫണ്ട് അക്കൗണ്ട് മാനേജ് ചെയ്യാനും ഇ പി എഫ് ബാലന്സ് പരിശോധിക്കാനും പി എഫ് ലോണ് അപേക്ഷകള് സമര്പ്പിക്കാനും കഴിയും. ഇതു കൂടാതെ ഫിസിക്കല് പേപ്പര്വര്ക്കുകള് ആവശ്യമില്ലാതെ ഓണ്ലൈനായി പ്രൊവിഡന്റ് ഫണ്ട് പിന്വലിക്കാനും ഇത് സഹായിക്കും.
ഏതെങ്കിലും സാഹചര്യം കൊണ്ട് നിങ്ങള്ക്ക് നിങ്ങളുടെ യു എ എന് നമ്പര് അറിയില്ലെങ്കില് അത് ഓണ്ലൈനായി ജനറേറ്റ് ചെയ്യാവുന്നതാണ്. 12 അക്കങ്ങളാണ് ഒരു സാധാരണ യു എ എന് നമ്പറില് ഉണ്ടായിരിക്കുക. നേരത്തെ ജോലി ചെയ്തിരുന്നിടത്തു നിന്ന് പിരിഞ്ഞു പോയതിനു ശേഷം പിഎഫ് അക്കൗണ്ടിലെ പണം പിന്വലിക്കാന് ശ്രമിക്കുന്ന പലര്ക്കും യുഎഎന് നമ്പര് ഇല്ലാത്തതിനാല് അത് സാധിക്കാറില്ല. ഇത്തരക്കാര്ക്കും ഒരു UAN നമ്പര് ക്രിയേറ്റ് ചെയ്യാം. ഇതാ വഴികള്.
Read DhanamOnline in English
Subscribe to Dhanam Magazine
