നിക്ഷേപത്തിന്റെ വിജയമന്ത്രം തന്നെ ലളിതമാണ്: ''സിംപിളായിരിക്കുക.'' ലോകത്തിലെ നിക്ഷേപക വിജയികളില് ഒരാളായ വാറന് ബഫറ്റ് വിശ്വസിക്കുന്നത്, ഇന്വെസ്റ്റിംഗ് പ്രയാസകരമായി കാണരുത് എന്നതാണ്. ഈ ആശയം പങ്കുവെച്ചത് ആല്ബര്ട്ട് ഐന്സ്റ്റിനാണ്: 'കഴിവതും ലളിതമാക്കുക, എന്നാല് അതില് കൂടുതല് ലളിതമാക്കരുത്'. ഇന്നത്തെ വിപണികളില് നിന്ന് നിരന്തരമായി വരുന്ന വാര്ത്തകളും വില മാറ്റങ്ങളും ചലനങ്ങളും നിക്ഷേപകരെ ആശയക്കുഴപ്പത്തിലാക്കുമ്പോള്, ബഫറ്റിന്റെ ഈ ലളിത സമീപനം ഏറെ പ്രസക്തമാകുന്നു.
പുതിയ സ്ട്രാറ്റജി, ഇന്ട്രാഡേ ട്രേഡിംഗ്, അടിക്കടി വാങ്ങിവില്പന -ഇവയൊക്കെയും പലപ്പോഴും ലാഭത്തേക്കാള് കൂടുതല് നഷ്ടമാണ് ഉണ്ടാക്കുന്നത്. ബഫറ്റിന്റെ ഉപദേശം വളരെ വ്യക്തമാണ്.
വിപണിയെ മുഴുവന് പ്രതിനിധീകരിക്കുന്ന, കുറഞ്ഞ ചെലവുള്ള ഇന്ഡെക്സ് ഫണ്ടുകള് ദീര്ഘകാല നിക്ഷേപത്തിന് ഏറ്റവും അനുയോജ്യമാണ്.
ഉയര്ന്ന ഫീസ് ഈടാക്കുന്ന, സങ്കീര്ണമായ നിക്ഷേപ പദ്ധതികള് ദീര്ഘകാലത്ത് റിട്ടേണ് കുറ്ക്കും.
ഇന്വെസ്റ്റിംഗില് കൂടുതല് അറിവ് അല്ല, കൂടുതല് നിയന്ത്രണം ആണ് പ്രധാനം.
സാധാരണ നിക്ഷേപകര്ക്കായി ബഫറ്റ് നിര്ദ്ദേശിക്കുന്ന ഒരു ലളിത ഫോര്മുലയുണ്ട്:
90% - വിപണി അടിസ്ഥാനമാക്കിയ ഇന്ഡെക്സ് ഫണ്ടുകളില് (ഓഹരി വിപണിയില് വളര്ച്ച്ക്കായി)
10% - ഹ്രസ്വകാല സര്ക്കാര് ബോണ്ടുകളില് അല്ലെങ്കില് സുരക്ഷിത മാര്ഗങ്ങളില് (സ്ഥിരത്ക്കായി)
ഇങ്ങനെ ചെയ്യുന്നത് വിപണി ഉയര്ന്നാലും താഴ്ന്നാലും പോര്ട്ട്ഫോളിയോ പൂര്ണമായി തകര്ന്നുപോകാതിരിക്കാന് സഹായിക്കും.
ബഫറ്റിന്റെ മറ്റൊരു പ്രധാന നിയമം:
നിങ്ങള്ക്ക് മനസ്സിലാകാത്ത ബിസിനസില് ഒരിക്കലും പണം ഇടരുത്.
ഈ കമ്പനി എന്താണ് ചെയ്യുന്നത്?
അടുത്ത 10 വര്ഷം ഈ ബിസിനസ് നിലനില്ക്കുമോ?
ഈ സ്ഥാപനത്തിന് ഒപ്പം മത്സരിക്കുന്നവരില് നിന്ന് വേറിട്ടൊരു ശക്തിയുണ്ടോ?
ഉത്തരങ്ങള് വ്യക്തമല്ലെങ്കില്, അതില് നിന്നും മാറിനില്ക്കുക.
വിപണി ഇടിയുമ്പോള് പലരും പരിഭ്രാന്തരും നിരാശരുമായി ഓഹരികള് വിറ്റഴിക്കുകയാണ് ചെയ്യുന്നത്. ബഫറ്റിന്റെ മുന്നറിയിപ്പ് വളരെ വ്യക്തമാണ്:
പേടിച്ച് വിറ്റാല് നഷ്ടം ഉറപ്പാകും. ക്ഷമയോടെ പിടിച്ചുനില്ക്കുന്നവരാണ് സമ്പത്ത് സൃഷ്ടിക്കുന്നത്.
വിപണിയില് താഴ്ചകള് താല്ക്കാലികമാണ്. എന്നാല് ദീര്ഘകാല നിക്ഷേപത്തില് കമ്പൗണ്ടിംഗ് എന്ന ശക്തി അത്ഭുതങ്ങള് സൃഷ്ടിക്കും.
ഇന്വെസ്റ്റിംഗില് പരാജയപ്പെടുന്നത് അറിവില്ലായ്മ കാരണം അല്ല. വികാരാധീനമായ തീരുമാനങ്ങള് കാരണം ആണ്.
വില ഉയരുമ്പോള് അത്യധിക ആത്മവിശ്വാസം
വില താഴുമ്പോള് അത്യധികം പേടി
ഈ രണ്ടു വികാരങ്ങളെയും നിയന്ത്രിക്കാനായാല്, നിങ്ങള് ശരാശരി നിക്ഷേപകരേക്കാള് മുന്നിലാണ്.
നിക്ഷേപത്തില് വിജയിക്കാന്
ലളിതമായ തന്ത്രം സ്വീകരിക്കുക
കുറഞ്ഞ ചെലവുള്ള നിക്ഷേപ മാര്ഗങ്ങള് തിരഞ്ഞെടുക്കുക
വിപണിയുടെ കോലാഹലങ്ങളില് പെടരുത്.
ദീര്ഘകാല കാഴ്ചപ്പാട് നിലനിര്ത്തുക
ഇന്വെസ്റ്റിംഗ് ഒരു ബുദ്ധിമുട്ടുള്ള കളിയല്ല. ക്ഷമയും നിയന്ത്രണവുമുള്ളവരുടെ ദീര്ഘകാല യാത്രയാണ്.
Read DhanamOnline in English
Subscribe to Dhanam Magazine
