ഏറ്റവും സുരക്ഷിതമായ സ്വര്ണ സമ്പാദ്യ പദ്ധതികളിലൊന്നാണ് സോവറീൻ ഗോള്ഡ് ബോണ്ടുകള്. ഓരോ സിരീസുകളായിട്ടാണ് സ്വര്ണ ബോണ്ടുകളില് നിക്ഷേപിക്കുക. ഈ സാമ്പത്തിക വര്ഷത്തിലെ (2023-24) മൂന്നാമത്തെ സിരീസ് (SGB 2023-24 Series III) ഇന്ന് ആരംഭിച്ചു. ഡിസംബര് 22 വരെ നീളുന്ന സ്വര്ണ ബോണ്ടുകള് ബാങ്ക് വഴിയോ ഓണ്ലൈനായോ വാങ്ങാവുന്നതാണ്.
ഇത്തവണ ഗ്രാമിന് 6,199 രൂപയാണ് റിസര്വ് ബാങ്ക് വില നിശ്ചയിച്ചിരിക്കുന്നത്. ഓണ്ലൈനിലൂടെ നിക്ഷേപിക്കുന്നവര്ക്ക് ഗ്രാമിന് 50 രൂപ വീതം ഡിസ്കൗണ്ട് ലഭിക്കും. ഇവര് ഗ്രാമിന് 6,149 രൂപ നല്കിയാല് മതി.
2015 നവംബറിലാണ് കേന്ദ്ര സര്ക്കാറിന് വേണ്ടി റിസര്വ് ബാങ്ക് ആദ്യ സ്വര്ണ ബോണ്ട് ഇറക്കിയത്. ഗ്രാമിന് 2,684 രൂപ നിരക്കില് അന്ന് സ്വര്ണ ബോണ്ടില് നിക്ഷേപിച്ചവര്ക്ക് 8 വര്ഷക്കാലാവധി അവസാനിച്ചപ്പോള് ഇരട്ടിയിലേറെ നേട്ടമുണ്ടാക്കാനായി.
ഇതാ സ്വര്ണ ബോണ്ടുകളില് നിക്ഷേപിക്കും മുമ്പ് അറിഞ്ഞിരിക്കേണ്ട കാര്യങ്ങള്:
Read DhanamOnline in English
Subscribe to Dhanam Magazine
