ഇന്ത്യയിലെ ഡിജിറ്റൽ ഇടപാടുകളിൽ വിപ്ലവം സൃഷ്ടിച്ച യുപിഐ (UPI) ഇപ്പോൾ ഒന്നിലധികം രീതികളിൽ ലഭ്യമാണ്. റെഗുലർ യുപിഐക്ക് പുറമെ യുപിഐ ലൈറ്റ് (UPI Lite), യുപിഐ ലൈറ്റ് എക്സ് (UPI Lite X) എന്നിവയും ഇന്ന് സജീവമാണ്. ഇവയിൽ ഏത് തിരഞ്ഞെടുക്കണം എന്നത് ഓരോരുത്തരുടെയും പേയ്മെന്റ് ശീലങ്ങളെ ആശ്രയിച്ചിരിക്കും.
ദൈനംദിന ആവശ്യങ്ങൾക്കുള്ള പ്രധാന മാർഗമാണിത്. ഓരോ ഇടപാടും നേരിട്ട് ലിങ്ക് ചെയ്ത ബാങ്ക് അക്കൗണ്ടിൽ നിന്നാണ് നടക്കുന്നത്, ഇതിനായി യുപിഐ പിൻ (PIN) നൽകേണ്ടതുണ്ട്. വലിയ തുകകൾ കൈമാറുന്നതിനും യൂട്ടിലിറ്റി ബില്ലുകൾ അടയ്ക്കുന്നതിനും ഓൺലൈൻ ഷോപ്പിംഗിനും റെഗുലർ യുപിഐ ഏറ്റവും അനുയോജ്യമാണ്.
ചെറിയ തുകയുടെ ദൈനംദിന ചിലവുകൾ (ഉദാഹരണത്തിന് ചായ കുടിക്കുകയോ പാർക്കിംഗ് ഫീ നൽകുകയോ ചെയ്യുമ്പോൾ) വേഗത്തിലാക്കാനാണ് ഇത് ഉപയോഗിക്കുന്നത്. ഇതിൽ ബാങ്ക് അക്കൗണ്ടിൽ നിന്ന് ഒരു ചെറിയ തുക പ്രത്യേക ബാലൻസായി ലോഡ് ചെയ്യാം. ഓരോ തവണയും ബാങ്ക് വഴി ഇടപാടുകൾ പ്രോസസ് ചെയ്യേണ്ടതില്ലാത്തതിനാൽ വളരെ വേഗത്തിൽ പേയ്മെന്റ് നടത്താം. ചെറിയ ഇടപാടുകൾക്ക് ഇത് കൂടുതൽ സൗകര്യപ്രദമാണ്.
യുപിഐ ലൈറ്റ് എക്സ് (UPI Lite X): നെറ്റ്വർക്ക് കണക്റ്റിവിറ്റി കുറഞ്ഞ സ്ഥലങ്ങളിലോ ഇന്റർനെറ്റ് ലഭ്യമല്ലാത്ത സാഹചര്യങ്ങളിലോ ചെറിയ തുകകൾ കൈമാറാൻ ഇത് സഹായിക്കുന്നു. യാത്രകളിലും തിരക്കുള്ള സ്ഥലങ്ങളിലും മൊബൈൽ ഡാറ്റ പ്രവർത്തിക്കാത്തപ്പോൾ ഈ ഫീച്ചർ ഏറെ ഉപകാരപ്പെടും.
ഇവയിൽ ഏതെങ്കിലും ഒന്ന് മാത്രം തിരഞ്ഞെടുക്കേണ്ട ആവശ്യമില്ല; ഇവയെല്ലാം പരസ്പര പൂരകങ്ങളാണ്. മിക്ക ഉപയോക്താക്കളും വലിയ ഇടപാടുകൾക്ക് റെഗുലർ യുപിഐയും ചില്ലറ ചെലവുകൾക്ക് യുപിഐ ലൈറ്റും ഒരേസമയം ഉപയോഗിക്കാറുണ്ട്. നിങ്ങളുടെ ബാങ്ക് ഈ പുതിയ ഫീച്ചറുകളെ പിന്തുണയ്ക്കുന്നുണ്ടോ എന്ന് പരിശോധിക്കേണ്ടതുണ്ട്. ഏത് പ്ലാറ്റ്ഫോം ഉപയോഗിക്കുമ്പോഴും യുപിഐ പിൻ നമ്പറോ ഒടിപിയോ ആരുമായും പങ്കുവെക്കാതെ സുരക്ഷ ഉറപ്പാക്കേണ്ടതുണ്ട്.. കൂടുതൽ ഫ്ലെക്സിബിലിറ്റി നൽകുന്നതിലൂടെ പേയ്മെന്റ് പ്രക്രിയ ലളിതമാക്കുകയാണ് ഈ സംവിധാനങ്ങൾ ചെയ്യുന്നത്.
Read DhanamOnline in English
Subscribe to Dhanam Magazine
