ആഗോള വിലയിടിവിലും കുലുങ്ങാതെ കേരള റബ്ബര്‍ വിപണി
കോട്ടയം വിപണിയില്‍ 0.3 ശതമാനം മാത്രമാണ് വിലയിടിവ് ഉണ്ടായത്
സ്വാഭാവിക റബ്ബറിന്റെ വില രാജ്യാന്തര തലത്തില്‍ കുത്തനെ ഇടിഞ്ഞപ്പോഴും പിടിച്ചു നിന്ന് കേരള വിപണി. സാധാരണഗതിയില്‍ രാജ്യാന്തര വിലയേക്കാള്‍ കുറഞ്ഞ വിലയാണ് കേരളത്തില്‍ ലഭിക്കുന്നതെന്ന് കര്‍ഷകരുടെ പരാതിക്ക് ഇത്തവണ ഇടവരുത്തിയില്ല. ദി അസോസിയേഷന്‍ ഓഫ് നാച്വറല്‍ റബ്ബര്‍ പ്രൊഡ്യൂസിംഗ് കണ്‍ട്രീസ് (എഎന്‍ആര്‍പിസി) തയാറാക്കിയ റബ്ബര്‍ മാര്‍ക്കറ്റ് ഇന്റലിജന്‍സ് റിപ്പോര്‍ട്ട് പ്രകാരം സെപ്തംബര്‍ ആദ്യ പകുതിയിലെ ആര്‍എസ്എസ്4 റബ്ബറിന്റെ വിലയിടിവ് പ്രതികൂലകാലമായിട്ടും കോട്ടയം വിപണിയെ കാര്യമായി ബാധിച്ചിട്ടില്ല. മികച്ച കാലാവസ്ഥയും കോവിഡിനെ തുടര്‍ന്നുള്ള നിയന്ത്രണങ്ങള്‍ പിന്‍വലിച്ചു തുടങ്ങിയതുമെല്ലാം സ്വാഭാവിക റബ്ബറിന്റെ ലഭ്യത വിപണിയില്‍ കൂടിയെങ്കിലും വിലയെ അത് ബാധിച്ചില്ലെന്നാണ് റിപ്പോര്‍ട്ട് സൂചിപ്പിക്കുന്നത്.