രണ്ടാം വന്ദേഭാരത്: മംഗളൂരു - തിരുവനന്തപുരം റൂട്ടില്‍ അടുത്തയാഴ്ച സര്വീസ്
പരിശോധനകള്‍ പൂര്‍ത്തിയായെങ്കിലും ഇതുവരെ പരീക്ഷണഓട്ടം നടത്തിയിട്ടില്ല
Image:@https://twitter.com/vandebharatexp / Representative Image
(20/09/23 UPDATE -കേരളത്തിന്റെ രണ്ടാം വന്ദേഭാരത് ട്രെയ്ന്‍ ഞായറാഴ്ച (സെപ്റ്റംബര്‍ 24) ആരംഭിക്കും. കാസര്‍കോഡ് നിന്ന് ആലപ്പുഴ വഴി തിരുവനന്തപുരത്തേക്കാണ് സര്വീസ്. രാവിലെ ഏഴ് മണിക്ക് കാസര്‍കോഡ് നിന്ന് ആരംഭിക്കുന്ന ട്രെയ്ന്‍ ഉച്ചയ്ക്ക് 03.05ന് തിരുവനന്തപുരത്തെത്തും. തിരിച്ച് തിരുവനന്തപുരത്ത് നിന്ന് വൈകുന്നേരം 04.05ന് ആരംഭിക്കുന്ന സര്വീസ് രാത്രി 11.55ന് കാസര്‍കോട് എത്തും. തുടക്കത്തില്‍ കാസര്‍കോട് വരെയാണ് സര്‍വീസെങ്കിലും ക്രമേണ മംഗലാപുരം വരെ നീട്ടിയേക്കും.)
കാത്തിരിപ്പിനും ആശങ്കകള്‍ക്കും വിരാമം, പുതിയ വന്ദേഭാരത് കേരളത്തിനുതന്നെ. രണ്ടോ മൂന്നോ ദിവസത്തിനകം ട്രെയിന്‍ മംഗളൂരുവിലെത്തും. കൃത്യദിവസം പറയുന്നില്ലെങ്കിലും മംഗളൂരു സെന്‍ട്രല്‍ റെയില്‍വേ സ്റ്റേഷനില്‍ അടുത്തയാഴ്ച നടക്കുന്ന ചടങ്ങില്‍ പ്രധാനമന്ത്രി നരേന്ദ്രമോദി വീഡിയോ കോണ്‍ഫറന്‍സ് വഴി രണ്ടാം വന്ദേഭാരതിന്റെ ഫ്ളാഗ്ഓഫ് നടത്തുമെന്ന് ദക്ഷിണ റെയില്‍വേ അധികൃതര്‍ അറിയിച്ചു.
Also Read : 'ആലപ്പുഴക്കാരുടെ' മൂന്ന് ട്രെയിന്‍ തിരുവനന്തപുരത്തേക്ക്; പുതിയ വന്ദേഭാരതും ഈ റൂട്ടിലേക്ക്