നമ്മുടെ ഗ്രൂപ്പിന്റെ മൈല് സ്റ്റോണ്. പല റൗണ്ടുകളിലായി ഏകദേശം മൂന്ന് മാസം നീണ്ട പ്രോസസ്. 13000ല് അധികം കമ്മ്യൂണിറ്റികളില് നിന്നാണ് നമ്മുടെ ഗ്രൂപ്പിന് സെലക്ഷന് കിട്ടിയത്. ഈറ്റ് കൊച്ചി ഈറ്റ് ഫേസ്ബുക്കിന്റെ കമ്മ്യൂണിറ്റി അക്സിലറേറ്റര് പ്രോഗ്രാമിലേക്ക് തെരഞ്ഞെടുക്കപ്പെട്ട ശേഷം ഫേസ്ബുക്കില് തന്നെ കുറിച്ച വരികളാണിത്. കമ്മ്യൂണിറ്റി അക്സിലറേറ്റര് പ്രോഗ്രാമിലേക്ക് ഫേസ്ബുക്ക് തെരഞ്ഞെടുത്ത രാജ്യത്തെ ഏക ഭക്ഷണപ്രേമികളുടെ കൂട്ടായ്മയും ഈറ്റ് കൊച്ചി ഈറ്റ് തന്നെ.
ഫെയ്സ്ബുക്ക് ഫണ്ടിംഗ് ലഭിച്ച ആദ്യ ഇന്ത്യന് ഫൂഡി കമ്മ്യൂണിറ്റി കമ്മ്യൂണിറ്റികളെ അടുത്ത തലത്തിലേക്ക് ഉയര്ത്തുന്നതിനും അവര്ക്ക് മികച്ച സൗകര്യങ്ങള് ഒരുക്കുന്നതിനും വേണ്ടി ആരംഭിച്ച പദ്ധതിയാണിത്. പദ്ധതിയില് ഉള്പ്പെട്ടതോടെ ഫെയ്സ്ബുക്കിന്റെ സാമ്പത്തിക-സാങ്കേതിക സഹായങ്ങള് ഇനിമുതല് ഈറ്റ് കൊച്ചി ഈറ്റിന് ലഭിക്കും. ആഗോള തലത്തില് ഫെയ്സ്ബുക്ക് അവതരിപ്പിക്കുന്ന പുതിയ ഫീച്ചറുകള് ഗ്രൂപ്പിന് ആദ്യം ലഭിക്കും.
ഈറ്റ് കൊച്ചി ഈറ്റിന്റെ ഭാവി പ്രവര്ത്തനങ്ങള്ക്കായി 50000 ഡോളര് വരെ ഫെയ്സ്ബുക്ക് നല്കും. വലിയ പ്രോജക്ടുകള്ക്കായി 1 മില്യണ് ഡോളര് വരെ ലഭിക്കാനുള്ള സാധ്യതയുണ്ടെന്ന് ഈറ്റ് കൊച്ചി ഈറ്റിന്റെ സ്ഥാപകനായ കാർത്തിക് മുരളി പറഞ്ഞു.
കാഞ്ഞിരപ്പള്ളിക്കാരന് കാർത്തിക് മുരളി സുഹൃത്തുക്കളുമായി ചേർന്ന് 2015ല് ആണ് ഈറ്റ് കൊച്ചി ഈറ്റ് എന്ന ഫെയ്സ്ബുക്ക് പേജ് തുടങ്ങുന്നത്. ഈറ്റ് കൊച്ചി ഈറ്റിന്റെ തുടക്കം കാര്ത്തിക് വിവരിക്കുന്നത് ഇങ്ങനെയാണ്......
"2012ല് ജോലിക്കായി കൊച്ചിയിലെത്തിയപ്പോള് ഫ്രണ്ട്സ് സര്ക്കിള് ഇല്ലായിരുന്നു. ഞാനൊരു ഫൂഡി ആയിരുന്നത് കൊണ്ട് തന്നെ നല്ല ഭക്ഷണം കണ്ടുപിടിക്കാന് പ്രയാസമായിരുന്നു. നല്ല ഭക്ഷണം കിട്ടുന്ന സ്ഥലങ്ങലെക്കുറിച്ച് അറിയാന് മാര്ഗങ്ങള് ഇല്ലായിരുന്നു.
ഫെയ്സ്ബുക്ക് ഗ്രൂപ്പുകളൊക്കെ ഉണ്ടായിരുന്നെങ്കിലും അവയൊക്കെ അവിയല് പരുവം ആയിരുന്നു. പാചകം മുതല് അമേരിക്കയിലെ റസ്റ്റോറന്റിന്റെ റിവ്യൂവരെ ഉള്ള ഗ്രൂപ്പുകള് ഉണ്ടായിരുന്നു. എന്നെ സംബന്ധിച്ചിടത്തോളം അടുത്തുള്ള കാര്യങ്ങളായിരുന്നു അറിയേണ്ടത്. അങ്ങനെയാണ് കൊച്ചി മാത്രം ഫോക്കസ് ചെയ്തുകൊണ്ട് ഒരു ഗ്രൂപ്പ് ആരംഭിച്ചത്".
ഗ്രൂപ്പിന് മികച്ച പ്രതികരണമാണ് ലഭിച്ചത്. അതോടെ പരീക്ഷണാര്ത്ഥം ഭക്ഷണപ്രേമികളെ ഉള്പ്പെടുത്തി ഫൂഡ് എക്സ്പ്ലോറിങ്ങ് യാത്രകളും ഇവന്റുകള് സംഘടിപ്പിച്ചു. അതും വിജയമായി. ഇന്ന് വിവിധ പ്ലാറ്റ്ഫോമുകളിലായി 5 ലക്ഷത്തിലധികം ഫോളോവേഴ്സ് ഈറ്റ് കൊച്ചി ഇറ്റിന് ഉണ്ട്.
ഫൂഡ് കണ്ടന്റുകളും എഫ്എംസിജി (fast moving consumer goods) ഉത്പന്നങ്ങള് ഉള്പ്പടെയുള്ളവയ്ക്കായി കൂടുതല് ഇവന്റുകളും ഒരുക്കാനുളള തയ്യാറെടുപ്പിലാണ് ഈറ്റ് കൊച്ചി ഈറ്റ്. ഉടനെ തന്നെ ഗ്രൂപ്പിന്റെ വെബ്സൈറ്റും പ്രവര്ത്തനം ആരംഭിക്കും.
ഫെയ്സ്ബുക്കിന്റെ സഹകരണത്തോടെ വലിയ ക്യാന്വാസില് ഒരു പാചക മത്സരം നടത്താന് ഒരുങ്ങുകയാണെന്നും കാര്ത്തിക് അറിയിച്ചു. ബിസിനസ് ഇവന്റുകള്ക്ക് പുറമെ ഈ മേഖലയിലേക്ക് കടന്നുവരാന് താല്പ്പര്യമുള്ളവര്ക്ക് മെന്ററിങ്ങും ഈറ്റ് കൊച്ചി ഈറ്റ് നല്കുന്നുണ്ട്.
Read DhanamOnline in English
Subscribe to Dhanam Magazine
