പത്ത് കോടി രൂപ വരെ നിക്ഷേപമുള്ള സംരംഭങ്ങള് ആരംഭിക്കാന് മുന്കൂര് അനുമതികള് ഒഴിവാക്കി വ്യവസായ സൗഹൃദ അന്തരീക്ഷം കേരളത്തില് കൊണ്ടുവരുമെന്ന് വ്യവസായ മന്ത്രി ഇ പി ജയരാജന്. കൊച്ചിയില് വ്യവസായ സംരംഭകരുമായി നടത്തിയ മുഖാമുഖം പരിപാടിയിലാണ് മന്ത്രി ഇക്കാര്യം വ്യക്തമാക്കിയത്. ''സംരംഭകര് സര്ക്കാര് ഓഫീസുകള് കയറിയിറങ്ങി കഷ്ടപ്പെട്ട് സംരംഭം തുടങ്ങാന് അലയുന്ന സംവിധാനത്തിന് അറുതി വരുത്തും,'' മന്ത്രി അവകാശപ്പെട്ടു.
10 കോടി രൂപയ്ക്ക് മുകളില് നിക്ഷേപമുള്ള സംരംഭങ്ങള്ക്ക് അനുമതികള് നല്കാനും വേണ്ട മാര്ഗ നിര്ദേശങ്ങള്ക്കുമായി പ്രത്യേക സെല് കൊണ്ടുവരുമെന്നും മന്ത്രി പറഞ്ഞു. സംസ്ഥാനത്തെ വ്യവസായ സൗഹൃദ അന്തരീക്ഷം മെച്ചപ്പെടുത്താന് സര്ക്കാര് സ്വീകരിക്കുന്ന കാര്യങ്ങള് മുഖാമുഖം പരിപാടിയില് മന്ത്രി വിശദീകരിച്ചു.
Read DhanamOnline in English
Subscribe to Dhanam Magazine
