ലോകത്തെ ശതകോടീശ്വരന്മാരിലൊരാളും സര്വ്വോപരി മനുഷ്യരെക്കുറിച്ചുള്ള ശാസ്ത്രീയമായ ഡേറ്റകള് സ്വയം ലഭ്യമാക്കുന്ന ആളുകളില് ഒരാളുമാണ് മൈക്രോസോഫ്റ്റ് സ്ഥാപകനായ ബില് ഗേറ്റ്സ്. പൊള്ളയായ അവകാശവാദങ്ങളുയര്ത്തുന്നവരെ പോലെയല്ലാതെ അദ്ദേഹത്തിന്റെ നിരീക്ഷണങ്ങളില് പലതും കുറിക്കുകൊള്ളുന്നതാണ്. കാരണം അവയ്ക്ക് ശാസ്ത്രീയമായ അടിത്തറയുണ്ട്. മൈക്രോസ്ഫ്റ്റ് സ്ഥാപകനായ ബില്ഗേറ്റ്സ് കൊറോണ വൈറസിന്റെ വ്യാപനത്തിന്റെ പശ്ചാത്തലത്തില് ബിസിനസുകള്ക്കും പ്രൊഫഷണലുകള്ക്കും നല്കുന്ന നിരവധി ഉപദേശങ്ങള് വൈറലായിക്കൊണ്ടിരിക്കുകയാണ്. അടുത്തിടെ ലിങ്ക്്ഡ് ഇനിന് അദ്ദേഹം നല്കിയ അഭിമുഖമാണ് ഇപ്പോള് ശ്രദ്ധേയമാകുന്നത്. കൊറോണയ്ക്ക് ശേഷം ലോകം എങ്ങനെയാകും മാറുക എന്നതാണ് അദ്ദേഹം വിശദമാക്കുന്നത്.
ജൂണില് യുഎസ് ലോക്ഡൗണ് പിന്വലിച്ചേക്കാം. എന്നാല് 'ഓപണിംഗ് അപ്' എന്ന പദത്തേക്കാള് ജനങ്ങള്ക്ക് ഒരു 'സെമി നോര്മല്' അവസ്ഥയാകും അത് പ്രദാനം ചെയ്യുക എന്ന് അദ്ദേഹം പറയുന്നു. വീണ്ടും ലോകം പഴയതുപോലെ പ്രവര്ത്തിച്ചു തുടങ്ങുമെങ്കിലും വലിയ ഒരു ജനക്കൂട്ടമോ സാമൂഹ്യ കൂട്ടായ്മകളോ ഒന്നും തന്നെ ഉണ്ടായേക്കണമെന്നില്ല. ഫാക്റ്ററികള് പ്രവര്ത്തിച്ചു തുടങ്ങും, കണ്സ്ട്രക്ഷന് വര്ക്കുകള് പുനരാരംഭിക്കും, സ്കൂളുകള് പ്രവര്ത്തിക്കും. എങ്കിലും റിയല് എസ്റ്റേറ്റ്, സ്പോര്ട്സ് ഇവന്റുകള്, ഹോസ്പിറ്റാലിറ്റി ബിസിനസ് എന്നിവയെല്ലാം പൂര്വ സ്ഥിതിയിലേക്കെത്താന് ഇനിയുമേറെ സമയമെടുക്കും. അദ്ദേഹം വ്യക്തമാക്കി.
ആളുകള് പുറത്തു പോകാനും യാത്ര ചെയ്യാനുമൊക്കെ തയ്യാറാകുമോ എന്ന ചോദ്യത്തിന് ഒരു രാത്രി കൊണ്ട് കാര്യങ്ങളൊന്നും പഴയപടി ആകില്ല, പതിയെ പതിയെ മാത്രമേ ആളുകള് പുറത്തു നിന്നു ഭക്ഷണം കഴിക്കുന്ന ശീലത്തിലേക്ക് പോലുമെത്തൂ എന്നാണ് അദ്ദേഹം മറുപടി നല്കിയത്. ഈ മാറ്റങ്ങളൊക്കെ വരും മുമ്പ് തന്നെ വളരെ ഫലവത്തായ ഒരു കൊറോണ വാക്സിന് കണ്ടുപിടിച്ചേ മതിയാകൂ എന്നാണ് അദ്ദേഹത്തിന്റെ അഭിപ്രായം. ആ കണ്ടുപിടുത്തത്തിന്റെ ഒന്നര വര്ഷത്തോളം പിന്നിലാണ് ഇപ്പോളും നമ്മളെന്നാണ് അദ്ദേഹം ചൂണ്ടിക്കാട്ടുന്നത്.
കാര്യങ്ങളെല്ലാം ഡിജിറ്റല് ആകുമെന്ന് ഇന്ന് ലോകം തിരിച്ചറിഞ്ഞു കഴിഞ്ഞിരിക്കുന്നു. ഇനി ബിസിനസ് ട്രിപ്പുകളോ ഷെയര് ഹോള്ഡര് മീറ്റിങ്ങുകളോ പോലും പഴയത് പോലെ തിരിച്ചെത്തുമോ എന്നത് സംശയമാണ്. കോവിഡ് പരക്കുന്നതിന് വളരെ മുമ്പ് തന്നെ മൈക്രോ സോഫ്റ്റ് ഷെയര്ഹോള്ഡര്മീറ്റിംഗ് ഡിജിറ്റല് ആയിരുന്നു. പിന്നീട് പല കമ്പനികളും ഈ മോഡല് പരീക്ഷിക്കുകയാണുണ്ടായത്. പുതിയ സോഫ്റ്റ്വെയറുകള് വന്തോതില് ഉപയോഗിക്കപ്പെടുന്നതിലൂടെ കാര്യങ്ങളെല്ലാം മാറി മറിയുമെന്നാണ് അദ്ദേഹം വ്യക്തമാക്കുന്നത്. ഒരു വിര്ച്വല് കോര്ട്ട് റൂം വന്നേക്കുമോ എന്ന ചോദ്യത്തിന് 'വളരെ ഫലവത്തും ഏറെ ഉപയോഗപ്രദവുമായ മാര്ഗങ്ങള് ഇനിയും വരാനിരിക്കുന്നതേ ഉള്ളൂ, പഴയതു പോലെ ആകില്ല ഒന്നും' അദ്ദേഹം പറഞ്ഞു.
ബിസിനസുകാര് എങ്ങനെ മാറണം?
ഡെയ്ലി ന്യൂസ് അപ്ഡേറ്റുകള്, Podcasts, Videos എന്നിവ നിങ്ങളുടെ ഫോണിൽ ലഭിക്കാൻ join Dhanam Telegram Channel – https://t.me/dhanamonline
Read DhanamOnline in English
Subscribe to Dhanam Magazine
