'തടസങ്ങളില്‍ പതറരുത്, മറികടന്ന് മുന്നേറുക'; വിജയ പാഠങ്ങള്‍ പങ്കുവെച്ച് ടി&എം സിഗ്‌നേച്ചറിന്റെ സ്ഥാപക ടിയ
സംസ്ഥാനത്തെ യുവ ബിസിനസ് സാരഥികളുടെ വിജയ മന്ത്രങ്ങള്‍ പങ്കുവയ്ക്കുന്ന ധനം Top & Emerging Young Business Leaders of Kerala ലേഖന പരമ്പരയില്‍ ഇന്ന് അനുഭവങ്ങള്‍ പങ്കുവെച്ച് ടി& എം സിഗ്‌നേച്ചര്‍ ഫൗണ്ടര്‍ & ഡിസൈനര്‍ ടിയ നീല്‍ കരിക്കശ്ശേരി.
യുവ നേതൃത്വം മുന്നില്‍ നിന്നു നയിക്കുന്ന ബിസിനസുകളുടെ കാലം കൂടിയാണിത്. പ്രതിസന്ധികളെ അതിജീവിച്ച് മുന്നേറുമ്പോള്‍ പരമ്പരാഗത ബിസിനസ് രീതികളെ വകഞ്ഞുമാറ്റുന്ന പുതിയ കാഴ്ചപ്പാടുകളാണ് ഇവരെ വ്യത്യസ്തരാക്കുന്നത്. വിജയങ്ങള്‍ക്കൊപ്പം പരാജയങ്ങളെയും അവര്‍ക്ക് മുഖാമുഖം കാണേണ്ടിവരുന്നുണ്ട്. വിപണിയും ഉപഭോക്താവിന്റെ താല്‍പ്പര്യങ്ങളും സാങ്കേതിക വിദ്യകളും അതിവേഗം മാറുന്ന കാലത്ത്, അവരുടെ അതിജീവന തന്ത്രമെന്താണ്? വിജയ, പരാജയങ്ങള്‍ അവരെ പഠിപ്പിക്കുന്നതെന്തെല്ലാം? ഈയൊരു ലക്കത്തില്‍ ഒതുങ്ങുന്നില്ല യുവ ബിസിനസ് സാരഥികളുടെ ഈ അനുഭവ ചിത്രങ്ങള്‍.
ടി& എം സിഗ്‌നേച്ചര്‍ - ബിസിനസ് ഇതുവരെ:
- 2015 ല്‍ തുടക്കം
- പ്രധാനമായും ബ്രൈഡല്‍ വസ്ത്രങ്ങളില്‍ ശ്രദ്ധ. അതോടൊപ്പം സ്ത്രീകളുടെ പാര്‍ട്ടി വെയര്‍, ഗൗണ്‍, കണ്ടംപററി, ഇന്‍ഡോ ഫ്യൂഷന്‍ ഗാര്‍മന്റ്സ് എന്നിവയും ഒരുക്കുന്നു
- നൂലിഴ മുതല്‍ സെമി പ്രെഷ്യസ് സ്റ്റോണ്‍ വരെ ഓരോ ചെറുകാര്യങ്ങളിലും പുലര്‍ത്തുന്ന ശ്രദ്ധ കേരളത്തിലെ ബ്രൈഡല്‍ വസ്ത്ര വിപണിയില്‍ പുതിയ ബെഞ്ച്മാര്‍ക്ക് തന്നെ സൃഷ്ടിച്ചു