സിഐടിയു സമരം: മാടായിയിലെ കടയും അടച്ചുപൂട്ടി, ഇനി പ്രതീക്ഷ കോടതി വിധിയിലെന്ന് ഉടമ
ജനുവരി 23ന് ആരംഭിച്ച കടയുടെ മുന്നില്‍ സിഐടിയു യൂണിയന്റെ നേതൃത്വത്തില്‍ സമരം നടത്തിവരികയാണ്. ഭീഷണി കാരണം ആരും കടയിലേക്ക് വരാതായതോടെയാണ് അടച്ചുപൂട്ടേണ്ടിവന്നതെന്ന് ശ്രീപോര്‍ക്കലി സ്റ്റീല്‍ കടയുടമ ലാലു പറയുന്നു
തൊഴില്‍ നിഷേധം ആരോപിച്ച് സിഐടിയു നടത്തുന്ന സമരത്തെ തുടര്‍ന്ന് കണ്ണൂരില്‍ രണ്ടാമത്തെ കടയും അടച്ചുപൂട്ടി. കണ്ണൂര്‍ മാടായിയിലെ ശ്രീപോര്‍ക്കലി സ്റ്റീല്‍ എന്ന കടയാണ്, ആരംഭിച്ച് ദിവസങ്ങള്‍ക്കകം അടച്ചുപൂട്ടേണ്ടി വന്നത്. ജനുവരി 23 നാണ് 60 ലക്ഷത്തോളം രൂപ ചെലവഴിച്ച് ലാലു ശ്രീപോര്‍ക്കലി സ്റ്റീല്‍ കട പ്രവര്‍ത്തനമാരംഭിച്ചത്. തുടക്കത്തില്‍ തന്നെ കയറ്റിറക്ക് ജോലിക്കായി ലേബര്‍ കാര്‍ഡുള്ള മൂന്ന് തൊഴിലാളികളെ സ്ഥാപനത്തില്‍ നിയമിക്കുകയും ചെയ്തു. എന്നാല്‍, ഇതിനുപിന്നാലെ തൊഴില്‍ നിഷേധിക്കുന്നുവെന്ന് ആരോപിച്ച് സിഐടിയു സമരവുമായി രംഗത്തെത്തുകയായിരുന്നു.
മാതമംഗലത്തെ അടച്ചുപൂട്ടിക്കല്‍ സമരം 'ഒറ്റപ്പെട്ട' സംഭവമല്ല: മാടായിയിലെ സ്റ്റീല്‍ കടയും ഭീഷണിയില്‍