ഡല്ഹിയിലെ കേരള സര്ക്കാരിന്റെ പ്രത്യേക പ്രതിനിധിയായി നെതര്ലന്ഡ്സ് മുന് അംബാസഡറും മുന്രാഷ്ട്രപതി പ്രണബ് മുഖര്ജിയുടെ പ്രസ് സെക്രട്ടറിയുമായിരുന്ന വേണു രാജാമണിയെ നിയമിച്ചു.
ഇന്നലെ ചേര്ന്ന മന്ത്രിസഭാ യോഗത്തിന്റേതാണ് തീരുമാനം. ചീഫ് സെക്രട്ടറി റാങ്കില് പാര്ട്ട് ടൈമായി ഒരു വര്ഷത്തേക്കാണ് നിയമനം.1986 ബാച്ച് ഇന്ത്യന് വിദേശകാര്യ സര്വ്വീസ് ഉദ്യോഗസ്ഥനായിരുന്ന വേണു രാജാമണി തിരുവനന്തപുരം സ്വദേശിയാണ്.
വിദേശ മലയാളികളുടെ പൊതുവായ പ്രശ്നങ്ങള് കേന്ദ്രസര്ക്കാരിന്റെയും വിവിധ നയതന്ത്ര മിഷനുകളുടെയും ശ്രദ്ധയില്പ്പെടുത്തി സമയബന്ധിതമായി പരിഹാരം കാണുകയാണ് ചുമതല. വിദേശ രാജ്യങ്ങളില് നിന്ന് സംസ്ഥാനസര്ക്കാരിനുള്ള സഹായങ്ങള് ഏകോപിപ്പിക്കല്, കേന്ദ്ര വിദേശകാര്യമന്ത്രാലയവുമായുള്ള ബന്ധം ഏകോപിപ്പിക്കല് തുടങ്ങിയ ചുമതലയുമുണ്ട്.
മുന് എം.പി എ സമ്പത്ത് ആണ് നേരത്തെ ഈ പദവി വഹിച്ചിരുന്നത്. നിയമനം മന്ത്രിസഭാ യോഗം അംഗീകരിച്ചതായി ചീഫ് സെക്രട്ടറി അറിയിച്ചുവെന്നും കേരളത്തിനു വേണ്ടി പ്രവര്ത്തിക്കാന് അവസരം കിട്ടുന്നതില് സന്തോഷമുണ്ടെന്നും വേണു രാജാമണി പറഞ്ഞു.
ഹോങ്കോങ്, ബീജിംഗ്, ജനീവ, ദുബായ്, വാഷിംഗ്ടണ് ഡി.സി എന്നിവടങ്ങളിലെല്ലാമായി നയതന്ത്രരംഗത്ത് പ്രവര്ത്ത വ്യക്തിയാണ് രാജാമണി. ഹേഗിലെ രാസായുധ നിരോധന സംഘടന(ഒപിസിഡബ്ല്യു) യില് ഇന്ത്യയുടെ സ്ഥിരം പ്രതിനിധിയായിരുന്ന കാലത്തെ അദേഹത്തിന്റെ ഇടപെടല് ലോകശ്രദ്ധ നേടിയിട്ടുണ്ട്.
Read DhanamOnline in English
Subscribe to Dhanam Magazine
