കോവിഡിന് ശേഷം സിംഗപ്പൂരിൽ തൊഴിലവസരങ്ങൾ വർധിക്കുന്നു

കോവിഡ് പ്രതിസന്ധി കടന്നതോടെ സിംഗപ്പൂരിൽ കമ്പനികൾ പുതിയ ജീവനക്കാരെ നിയമിക്കുന്നത് ഏപ്രിൽ മാസത്തിൽ വർധിപ്പിച്ചതായി മോൺസ്റ്റർ എന്ന് തൊഴിൽ അന്വേഷകരുടെ പ്ലാറ്റഫോം റിപ്പോർട് ചെയ്യുന്നു. ഏപ്രിൽ മാസം മൊത്തം തൊഴിൽ നിയമനങ്ങൾ 15 % വർധിച്ചു. വിദ്യാഭ്യാസ മേഖലയിൽ 16 %, മാധ്യമ വിനോദ വ്യവസായത്തിൽ 15 %, ബാങ്കിംഗ് ഫിനാൻസ് രംഗം 11 %, റീറ്റെയ്ൽ ലോജിസ്റ്റിക്സ് 6 %, ഹോസ്പിറ്റാലിറ്റി 5 %, ഐ ടി ,ടെലികോം, ബി പി ഒ 4 %, റിയൽ എസ്റ്റേറ്റ് 2 %, ആരോഗ്യ പരിരക്ഷ 2 % എന്നിങ്ങനെയാണ് തൊഴിലവസരങ്ങളിൽ വർധനവ് ഉണ്ടായത് .

സർക്കാർ, പൊതു മേഖല സ്ഥാപനങ്ങൾ, എഫ് എം സി ജി എന്നിവയിൽ ഏപ്രിൽ മാസം പുതിയ നിയമനങ്ങളിൽ 10 % കുറവ് രേഖപ്പെടുത്തി. കയറ്റുമതി-ഇറക്കുമതി സ്ഥാപനങ്ങളിൽ 9 %, ക്രൂഡ് ഓയിൽ പ്രകൃതി വാതക കമ്പനികളിൽ 4 % പുതിയ നിയമനങ്ങൾ കുറഞ്ഞു.

എച്ച് ആർ അഡ്മിനിസ്ട്രേഷൻ ജോലികളിൽ 22 % വർധനവും, മാർക്കറ്റിംഗ് കമ്മ്യൂണിക്കേഷൻ വിഭാഗത്തിൽ 19 ശതമാനത്തിൽ അധികം പുതിയ തൊഴിൽ അവസരങ്ങൾ ഉണ്ടായി.

വരും മാസങ്ങളിൽ വിദ്യാഭ്യാസം, യാത്ര, വിനോദ സഞ്ചാര മേഖലകളിൽ കൂടുതൽ തൊഴിൽ അവസരങ്ങൾ ഉണ്ടാകുമെന്ന് മോൺസ്റ്റർ ശേഖർ ഗാരിസ അഭിപ്രായപ്പെട്ടു